काठमाण्डौ, असार । हिमाल दोलखा हाइड्रोपावर कम्पनी लिमिटेडले निष्कासन तथा बिक्री खुला गरेको  शेयरको आवेदन आगामी साउन २४ गते सम्म दिन पाउने भएको छ । असार २५ गतेदेखि निष्कासन तथा बिक्री खुला गरेको  शेयरको आवेदन  साउन २४ गते सम्म दिन पाउने गरी म्याद थप भएको हो । 

कम्पनीले प्रतिकित्ता १ सय रुपैयाँ अंकित मूल्यका ७६ लाख ७२ हजार २ सय १० कित्ता साधारण शेयर निष्कासन गरेको हो । निष्कासन गरिएको कुल शेयरमध्ये १ लाख ५३ हजार ४ सय ४४ कित्ता कम्पनीका कर्मचारीका लागि र २५ हजार कित्ता सामूहिक लगानी कोषका लागि बाँडफाँड गरिएको छ । सर्वसाधारण लगानीकर्ताले बाँकी ७४ लाख ९३ हजार ७ सय ६६ कित्ता शेयरका लागि आवेदन दिन सक्नेछन् । लगानीकर्ताले न्यूनतम १० कित्ताका लागि आवेदन दिन सक्नेछन् भने अधिकतम १ लाख कित्ताका लागि आवेदन दिन सकिनेछ । कम्पनीको धितोपत्र निष्कासन तथा बिक्री प्रबन्धक ग्लोबल आइएमई क्यापिटल लिमिटेड रहेको छ ।