देशमा व्याप्त उर्जा संकटलाई कम गर्ने उद्देश्यले विद्युत खपत कम गर्ने उर्जा क्षेत्रको नविनतम प्रविधि LED लाई सर्वप्रथम हामी विद्युत् व्यवसायीले नै नेपालमा भित्राएका हौं । जस्ले गर्दा नेपाल विद्युत प्राधिकरणलाई लोडसेडिङ्गको समयावधि कम गर्न पनि सहजता भएको हाम्रो विश्वास छ । हाल हाम्रो देशमा भारत, चिन र तेश्रो मूलुकबाट आयात भैरहेको एलईडी. जन्य विद्युतीय सामाग्रीहरुमा विभिन्न वाट र फरक गुणस्तरका सामानहरु आयात भईरहेका छन् त्यसैले नेपाल सरकारले निश्चित मापदण्ड (टेक्नीकल प्यारामिटर) तयार गरी सो अनुसारको मात्र एलईडी बल्ब, एल.इ.डी. प्यानल लाइट, एलईडी ट्यूबलाईट र एल.इ.डी. जन्य अन्य उत्पादनहरु आयात एवं उत्पादन गर्न पाउँने प्रावधान ल्याई ति बस्तुहरुको आयातमा न्यूनतम भन्सार दर कायम गर्नुका साथै सो सम्बन्धी उत्पादन गर्ने उद्योगहरुलाई कच्चा पदार्थको आयातमा भन्सार दर ०%(शुन्य प्रतिशत) गरेमा हामी विद्युतीय व्यवसायी न्यूनतम मूल्यमा गुणस्तरीय LED सामाग्रीहरु उपभोक्ताको घर दैलोसम्म नै पु¥याउन सक्षम हुनेछौं । यसले एकातिर राज्यको उर्जा संकट कम गर्न मद्धत गर्दछ भने अर्कोतिर उपभोक्ताले पनि सरल मूल्यमा गुणस्तरीय सामान प्रयोग गर्न सक्ने र यो वातावरण मैत्री पनि हुने भएकाले यस तर्फ राज्यको ध्यान पुगोस् भन्ने हाम्रो धारणा रहेको छ । 
साथै तोकिएको मापदण्ड अनुसार नै एलईडी जन्य सामाग्रीहरुको आयात एवं उत्पादन भै रहेको छ कि छैन भनि निरन्तर अनुगमन गर्नु पर्ने एवं एलईडी जन्य सामाग्रीहरुको प्रयोगमा व्यापकता ल्याउन नेपाल सरकारबाट प्रोत्साहन मुखी एवं जनचेतना जगाउने खालको कार्यक्रम ल्याउनु पर्ने हाम्रो माग रहेको छ ।