काठमाण्डौ, असार । रुपन्देही विद्युतीय व्यवसायी संघको भवन आज शिलान्यास भएको छ । एक वर्ष भित्र भवन निर्माण सम्पन्न गर्ने लक्ष्यका साथ भवन शिलान्यास भएको हो ।  

तिलोत्तमा नगरपालिकाका मेयर बासुदेव घिमिरेले भवन शिलान्यस कार्यक्रमको सम्बोधन गर्दै  सरकारी स्तरबाट हुनु पर्ने कार्य संघले नै गरेको प्रति खुशि व्यक्त गरे । उनले संघलाई आवश्यक सम्पूर्ण सहयोग गर्ने बताए । संघले व्यवसायी हकहितका लागि मात्र नभई सामाजिक सेवामुलक काममा पनि सक्रिया भूमिका निर्वाह गर्दै  आएको उनले बताए । 

 

त्यस्तै नेपाल विद्युतीय व्यवसायी महासंघका अध्यक्ष तेजनारायण खरेलले रुपन्देही विद्युतीय व्यवसायी संघ स्थापना देखि नै निकै सक्रिय रुपमा कार्य गर्दै आएको बताए । सामाजिक हितका लागि संघले ल्याएको अवधारणा  उपयुक्त रहेको पनि उनको भनाई रहेको थियो । 

 

यस्तै संघका अध्यक्ष प्रकाश चन्द्र पाण्डेयले संघले लामो समय देखी आफ्नै भवन निर्माण गर्नका लागि पहल गर्दै आएको  र हाल नगरपालिकाले जग्गा उपलब्ध गराएको प्रति खुसि व्यक्त गर्दै एक वर्ष भित्र भवन निर्माण सम्पन्न गर्ने  बताए  ।  संघको भवन निर्माण सँगै समाजिक हितका लागि क्रियापुत्री भवन निर्माण गर्ने तथा बगैँचा निर्माण गर्ने पनि उनले जानकारी दिए ।  संघको भवन निर्माण गर्ने पूर्वअध्यक्षहरुको सपना समेत पुरा भएको उनको भनाई रहेको थियो । उनले स्थानीय सरकारलाई भवन निर्माणको क्रममा आवश्यक सहयोग गर्न समेत उनले आग्रह गरे ।

 

 तिलोत्तमा नगरपालिकाले संघको भवन निर्माणका लागि जग्गा उपलब्ध गराएको हो ।  संघको भवन रुपन्देही तिलोत्तमा नगरपालिका वडा नं ७ भलवाडी मा रहने छ ।