आँधिखोला लघुवित्तको आईपीओ आजबाट बाँडफाँट हुँदै

प्रकाशित मिति : Mon-15-Jul-2019
-

काठमाडौं,असार । आँधिखोला लघुवित्त वित्तीय संस्थाको आईपीओ सोमवार बाँडफाँट हुने भएको छ ।

बिक्री प्रबन्धक एनआइबिएल एस क्यापिटलको कार्यालय लाजिम्पाट, काठमाडौंमा आईपीओ बाँडफाँटको कार्यक्रम तय भएको हो ।

असार २२ देखि २५ गतेसम्म सर्वसाधारणको लागि बिक्री गरेको आईपीओमा १४ दशमलव ५५ गुणा बढी आवेदन परेको छ । कम्पनीले सर्वसाधारणका लागि ३ लाख ७५ हजार कित्ता शेयर जारी गरेको हो । बिक्री प्रबन्धक एनआईबिएल एस क्यापिटलले दिएको जानकारी अनुसार यस आईपीओमा ३ लाख ८ हजार ४१४ जना आवेदकले ५४ लाख ५७ हजार ३४० कित्ता शेयरका लागि आवेदन दिएका छन् ।

यस कम्पनीले कुल ४ लाख कित्ता शेयरमध्ये ५ हजार कित्ता कम्पनीका कर्मचारीहरुलाई सुरक्षित राखेर २० हजार कित्ता शेयर सामुहिक लगानी कोषलाई बाँडफाँट गरी बाँकी सर्वसाधारणमा जारी गरेको हो ।