मौसम खराबका कारण गोरखाको सिउरेनीटारमा हेलिकप्टर आकस्मिक अवतरण

प्रकाशित मिति : Thu-19-Sep-2019
- विद्युत संसार संवाददाता

गोरखा,असोज । मौसम खराबका कारण गोरखा मनास्लु क्षेत्रबाट काठमाडौंका लागि उडान भरेको हेलिकप्टर गोरखाको सिउरेनीटारमा आकस्मिक अवतरण भएको छ । तीन जना सवार हेलिकप्टरमा खराब मौसमका कारण उडान गर्न नसकेपछि गण्डकी गाउँपालिका घ्याल्चोक –८ सिउरेनिटारमा सकुशल आकस्मिक अवतरण भएको हो ।

हेलिकप्टरमा सवार तीनै जना यात्रु सकुशल रहेको गण्डकी गाउँपालिका–८ का अध्यक्ष रामप्रसाद रेग्मीले जानकारी दिए । विगत दुई तीन दिन देखि लगातार परिरहेको वर्षाका कारण मौसम खराब भएकाले दुई दिनदेखि उक्त हेलिकप्टर सिउरेनिटारमा रोकिएको थियो ।

मौसमका केही खुलेको भन्दै उक्त हेलिकप्टर आज बिहान मात्र काठमाण्डौका लागि उडेको थियो । हेलिकप्टर १० बजेतिर आकस्मिक अवतरण गरिएको गोरखाका प्रहरी प्रमुख एसपी ओम अधिकारीले जानकारी दिए ।