गोरखा,असोज ।  गण्डकी प्रदेशका सांसद हरिशरण आचार्यले गोरखाका प्रमुख जिल्ला अधिकारी देवेन्द्र लामिछानेलाई राजनीति गर्ने भए कुर्सी छोडेर मैदानमा आउन चुनौती दिएको छ । शनिबार गोरखा सदरमुकाममा आयोजित ‘बूढीगण्डकी जलविद्युत आयोजनाको अवस्था र चुनौती’ विषयक अन्र्तक्रिया कार्यक्रममा गोरखा निर्वाचन क्षेत्र नम्बर २ अन्र्तगत प्रदेशसभा ‘ख’ बाट निर्वाचित भएका सांसद आचार्यले यस्तो चुनौती दिएको हो ।

 

उनले गोरखामात्र नभई देशकै लागि महत्वपूर्ण सरोकार राख्ने विषयमा प्रमुख जिल्ला अधिकारी उपस्थित नहुुनु राजनीति बाहेक अरु केही नभएको बताए । ‘प्रमुख जिल्ला उपस्थित नहुनु यो राजनीति हो, मैले उहाँ प्रति खेद प्रकट गर्नुपर्छ, सांसद आर्चायले भने, किनभने यो राजनीति गर्ने ठाउँ होइन, आउनु हामीसँग राजनीति नै गर्न चाहानुहुन्छ भने चुनावमा आउनुस ।’

आरुघाट र खहरे क्षेत्रको मुआब्जा निर्धारण नहुँदा लामो समयदेखि जनता मारमा परेको भन्दै सांसद अधिकारीले जनतालाई जवाफ दिनुपर्ने ठाउँमा नआउनु दुख्द कुरा भएको बताए । ‘मैले के भन्न चाहान्छु भने यस्तै हो भने तपाई गोरखाको इतिहासमा अर्को एउटा कालो धब्बा बनेर जादै हुनुहुन्छ । सांसद आचार्यले चुनौती दिदै भने ।

 

 

उनले राष्ट्रिय गौरवको आयोजनाको रुपमा निर्माण गर्न लागिएको बुढीगण्डकी आयोजनाका सवालमा जनताको धेरै प्रश्नहरुको जवाफ दिनसक्नु पर्ने बताए ।  त्यस्तै जिल्लामा मुअब्जा निर्धारणको जिम्मेवारी रहेको प्रमुख जिल्ला अधिकारी देवेन्द्र लामिछाने पनि कार्यक्रममा सहभागी भएन भने आयोजना प्रमुख कृष्ण कार्की शुरु मै आफ्नो प्रस्तुती राखेर फर्किएपछि कार्यक्रममा आयोजनाका बारेमा उठेका प्रश्नको जबाफ दिने निकाय नै नभएपछि अफ्ट्यारो परेको थियो ।