भर्खरै

नेपाल टेलिकमले बुधबारदेखि २६ शहरमा फोरजी सेवा सुरु गर्ने

  • प्रकाशित मिति : Mon-30-Sep-2019
  • -
title

काडमाण्डौ,असोज । नेपाल टेलिकमले बुधबारदेखि देशका विभिन्न २६ वटा ठूला र साना शहरमा फोरजी सेवा सुरु गर्ने भएको छ ।
टेलिकमले नेपालभर फोरजी सेवा विस्तार गर्ने परियोजना अन्तर्गत कम्पनीले पहिलो चरणमा बुधबारदेखि सेवा विस्तार गर्न लागेको प्रबन्ध निर्देशक डिल्ली अधिकारीले जानकारी दिए । 
 
प्रबन्ध निर्देशक अधिकारीले ‘परीक्षणका धेरै काम सफल भइसकेकोले अब ‘अन्य कुनै प्राविधिक समस्या नआएमा बुधबारदेखि परीक्षण पूरा भएका ठाउँमा व्यावसायिक रूपमै फोरजी सेवा सुरु हुने बताए । 
 
टेलिकमले महानगरसहित सबै प्रदेशलाई समेट्ने गरी फोरजी सेवा विस्तार गर्दै छ । मुख्य शहर अन्तर्गत दमक, बिर्तामोड, धरान, विराटनगर, इटहरी, जनकपुर, वीरगञ्ज, हेटौँडा, भरतपुर, बुटवल, नेपालगञ्ज, धनगढीलगायत सहरमा फोरजी सेवा सञ्चालनमा ल्याउने छ । त्यस्तै साना शहर अन्तर्गत रुकुम, बागलुङ, महोत्तरी, रौतहट, सिरहा, बर्दिया, दाङ, धनकुटा, कैलाली, कपिलवस्तु, म्याग्दी, नवलपरासी, पाल्पा, पर्वत जिल्लाका सदरमुकाममा फोरजी सेवा सुरु हुने अधिकारीले जानकारी दिए ।

प्रतिक्रिया

सम्बन्धित समाचार