भर्खरै

दोस्रो चरणको पेट्रोलियम पदार्थको अन्वेषण हुँदै

  • प्रकाशित मिति : Wed-16-Oct-2019
  • - Admin
title

दैलेख, असोज । पेट्रोलियम पदार्थकोे बढी सम्भावना भएको दैलेखको शिरिस्थान, नाभिस्थान लगायतका क्षेत्रहरुमा दोस्रो चरणको अन्वेषणको कार्य शुरु हुने भएको छ ।  नेपाल सरकार र चीन सरकारसँग भएको सम्झौता अनुसार दोस्रो चरणको अन्वेषण सुरु हुने भएको हो । 
दोस्रो चरणको अन्वेषणबाट कति परिमाणमा पेट्रोलियम पदार्थ छ ,  कुन , कुन भू–भागमा रहेको छ भन्ने कुराको निस्कर्ष निकालिने बताइएको छ ।   चीन सरकारको विशेषज्ञ टोली नेपाल आएसँगै उत्खनन कार्यका लागि आवश्यक पर्ने इन्धन लगायतका सामानहरुको व्यवस्थापनसँगै उत्खनन समयमा विशेषज्ञ टोली बस्ने स्थानको समेत छनोट भएको छ । टोलीले प्रजिअ, दैलेखका सांसद, निर्वाचित जनप्रतिनिधिहरुसँग भेटघाट र छलफल गरी काम शुरु  गर्ने भएका छन् ।   
 
गत असार २६ गते औपचारिक उद्धघाटनसँगै दैलेख आएको चीनको विशेषज्ञ टोली करीब १५ दिन अनुसन्धान गरेर फर्केका थिए । उक्त समयमा दैलेखका विभिन्न भू–भागहरुको स्थलगत अध्ययनसमेत गरिएको थियो । पुनः असोज दोस्रो सातामा टोली दैलेख आएर अन्वेषणका लागि आवश्यक पर्ने विषयहरुमा छलफल गरेको प्रजिअ युवराज कट्टेलले बताए ।
 अन्वेषण परियोजनामा संलग्न गणेशराज त्रिपाठीका अनुसार दोस्रो चरणको अन्वेषणका लागि चीनबाट आवश्यक सामग्रीहरु लिएर टोली दैलेख आउने बताए ।   जमीनको पाँच किलोमिट मुनिसम्म ड्रिलिङ गरेपछि पेट्रोलियम पदार्थको परिणाम पत्ता लाग्न सकिने भएकाले सोही अनुसार अनुसन्धान थालनी हुने भएको छ ।  नेपाल र चीन सरकारबीच सम्पन्न सम्झौता अनुसार काम शुरु भएको यो परियोजना परिणामुखी हुने, नेपालको आर्थिक अवस्था सुधारसँगै समग्र दैलेख जिल्लाको विकासमा टेवा पुग्ने प्रतिनिधिसभाका सांसद रवीन्द्रराज शर्माले बताए । दैलेख जिल्लामा पेट्रोलियम पदार्थ रहेको विभिन्न अध्ययन–अनुसन्धानबाट थाहा भए पनि अझै यसको गहन अध्ययन र उत्सखनन हुन सकेको छैन । चिनियाँ विशेषज्ञ टोलीसहित नेपाली विशेषज्ञहरुको पहलमा यसपटक गरिने अन्वेषणबाट अगामी दिनमा उत्खननका लागि सजिलो हुनेछ । 

प्रतिक्रिया

सम्बन्धित समाचार

सिँचाइका लागि प्रभावकारी बन्दै जलाशय

तुलसीपुर ७ असोज । दाङको ५६ हजार हेक्ट 19 hours ago

सैनामैनामा विद्युत् सब–स्टेसन शिलान्यास

रूपन्देही/सैनामैना– रूपन्देहीको स 1 day ago

राजनीतिको थिति, विकासमा विकृति

काठमाडौं असोज । ‘मेरो सातौ पुस्ता द 1 day ago