राष्ट्रिय जनगणना २०७८का लागि करारमा ४३ हजार बेरोजगार युवालाई रोजगारी दिदै सरकार

प्रकाशित मिति : Sun-20-Oct-2019
- विद्युत संसार संवाददाता

काठमाडौं,कात्तिक । सरकारले ४३ हजार बेरोजगार युवाहरुका लागि रोजगारी दिने तयारी गरेको छ । केन्द्रीय तथ्यांक विभागले आज आइतबार पत्रकार सम्मेलन गरी सरकारले हरेक १०÷१० वर्षमा गर्दै आईरहेको जनगणनाको लागि ४३ हजार बेरोजगारहरुलाई करारमा रोजगारी दिने तयारी गरेको हो ।

शिक्षित भएर पनि बेरोजगार रहेका युवाहरुलाई रोजगार दिने निर्णय गरेको छ । सरकारले विगतका वर्षहरुमा जनगणनाका लागि शिक्षक परिचालन गर्ने गरेको भएपनि यस पटक भने शिक्षकहरलाई परिचालन नगरी बेरोजगार युवाहरुलाई प्राथमकिता दिन लागेको छ ।

सोही अनुसार राष्ट्रिय जनगणना २०७८ मा बेरोजगार युवालाई परिचालन गरिने तथ्यांक विभागले जनाएको छ । सो राष्ट्रिय अभियानमा कूल ४३ हजार २७७ गणक र ९ हजारभन्दा बढी सुपरभाइजर परिचालन गरिने जनाएको छ ।

यसअघि राष्ट्रिय जनगणनामा शिक्षक परिचालन गर्ने गरिएको थियो । यसपटक भने बेरोजगार युवालाई सो कार्यको जिम्मा दिन लागिएको छ ।