तीन संघद्धारा १३ बुँदे सुझाव पत्र पारीत

प्रकाशित मिति : Tue-19-Nov-2019
- Admin

काठमाण्डौ, मंसिर । रुपन्देही विद्युतीय व्यवसायी संघ, विद्युतीय व्यवसायी संघ चितवन र नवलपुर विद्युतीय व्यवसायी संघले संयुक्त रुपमा १३ बुँदे सुझाव पत्र पारीत गरेको छ । नेपाल विद्युतीय व्यवसायी महासंघ आफ्नो विधि विधान अनुरुप हुनु पर्ने भन्दै तीन जिल्ला संघले संयुक्त रुपमा सुझाव पत्र पारीत गरेको हो ।

महासंघको १० औँ साधारण सभा र चौथो अधिवेशनमा भएका केही कमीकमजोरी सुधारका लागि तीन जिल्लाले संघहरु संयुक्त रुपमा बैठक बसि पत्र पारीत गरेको हो । महासंघको प्रतिष्ठा र गरीमालाई उचाइमा पुर्याउनका लागि महासंघले मर्यदित ढंगबाट विधान संवद अघि बढोस् भन्ने शुभकामना दिदै १३ बँुदा पारीत गरेको छ ।