नेपाल विद्युतीय व्यवसायी महासंघ  देशभर छरिएर रहेका विद्युतीय व्यवसायीहरुको छाता संगठन हो । महासंघले विद्युतीय व्यवसायीहरुको  पीर मर्कालाई सम्बोधन गर्दै व्यवसायीहरुको हक हितका लागि कार्य गर्दै आएको छ । 

 

महासंघको गत भदौमा भएको १० औँ साधारण सभा एवं चौथो अधिवेशनको निर्वाचन प्रक्रियालाई अस्विकार गर्दै रुपन्देही विद्युतीय व्यवसायी संघ, विद्युतीय व्यवसायी संघ चितवन र नवलपुर विद्युतीय व्यवसायी संघ निर्वाचन प्रक्रिया प्रति असहमति जनाउदै बाहिरिएको थियो ।  निर्वाचन प्रक्रियामा असहमति जनाउँदै बाहिरिए पश्चात तीन जिल्ला संघहरुले संयुक्त रुपमा महासंघलाई १३ बुँदे सुझाव पत्र पठाएको छ । महासंघको प्रतिष्ठालाई मध्यनजर गर्दै महासंघलाई सुदृढिकरण गर्नुपर्छ, महासंघ राम्रो हुनुपर्छ भन्ने जस्ता आशयका सुझाव पत्र आएको छ । महासंघको प्रगतिका लागि उहाँहरुले राख्नु भएका धेरै जसो सुझावहरु उपयुक्त छन् भने केही विषयमा भने मिलाउनु पर्ने छ । यस विषयमा हामी महासंघ र तीन वटा जिल्ला संघ बसेर केही घनिभूत छलफल गर्ने छौ । महासंघले जिल्ला संघको असन्तुष्टिलाई सम्बोधन गर्नु पर्दछ भनेर पोखरामा सम्पन्न दोस्रो कार्य  समितिको पूर्णबैठकले हामी उहाँहरुको असन्तुष्टिका विषयमा छलफल गर्ने छौ । जिल्ला संघ विना महासंघ रहन सक्दैन । जिल्ला संघ सुदृढिकरण समितिको संयोजक समेत तोकी आवश्यक छलफल गर्ने गरी मलाई नै संयोजकको जिम्मेवारी दिएको छ ।