काठमाण्डौ, मंसिर । सञ्चार तथा सुचना प्रविधि मन्त्री गोकुल प्रसाद बाँस्कोटाले नेपाल भारत बीच भएको सीमा विवादको विषयमा बोल्दै कसैको एक इन्च जमिन नचाहीने र आफ्नो एक इन्च जमिन पनि नछाड्ने बताएका छन् । सिंहदरबार स्थित सञ्चार तथा सुचना  प्रविधि मन्त्रालयमा आज आयोजित पत्रकार सम्मेलनमा उनले यस्तो बताएका हुन् ।

 

कुटनीतिक र राजनीतिक माध्यमबाट सीमानाको समस्या समाधान गर्ने उनले बताए । नेपाल–भारत पारवहन सन्धि पुनरावलोकन सम्बन्धी सहसचिवस्तरीय बैठकका लागि उद्योग वाणिज्य तथा आपूर्ति मन्त्रालयका सहसचिव नवराज ढकालको संयोजकत्वमा दस सदस्यीय वार्ता टोली गठन गर्ने निर्णय गरिएको  उनले बताए । त्यस्तै मन्त्रिपरिषद् बैठकले भूमि सम्बन्धी एकीकृत विधेयक तर्जुमा गर्न सैद्धान्तिक स्वीकृति समेत दिएको मन्त्री बाँस्कोटाले जानकारी दिए ।