विद्युत चुहावट भई आगलागी, २६ लाख बराबरको क्षति

प्रकाशित मिति : Wed-11-Dec-2019
- Admin

काठमाण्डौ, मंसिर । इलामको सूर्योदय नगरपालिकाको श्रीअन्तुस्थित एक होमस्टेमा सोमबार विद्युत चुहावट भई आगलागी भएको छ ।

आगलागी हुँदा रु २६ लाख मूल्य बराबरको क्षति भएको छ । वडा नं ५ अन्तुका मानवीर तामाङले सञ्चालन गरेको फ्याफुल्ला होमस्टेमा आगलागी हुँदा सो मूल्य बराबरको क्षति भएको हो ।

आगलागीबाट तामाङको काठ र सिमेन्टले बनेको दुईतले घरको माथिल्लो तला जलेर नष्ट भएको छ । त्यस्तै चार तोला सुन, रु पाँच लाख नगद, लत्ताकपडा, भाँडावर्तन, फर्निचर, खाद्य सामग्री जलेर नष्ट भएको जिल्ला प्रहरी कार्यालयका सूचना अधिकृत विजय राईले जानकारी दिए ।

काठबाट बनाइएको घर भएकाले तत्काल आगो नियन्त्रणमा लिन समस्या भएको बताइएको छ । आगो स्थानीय र प्रहरीले नियन्त्रणमा लिएका थिए ।