बाँकेमा विद्युत प्रशारण लाइन विस्तार

प्रकाशित मिति : Wed-11-Dec-2019
- Admin

बाँके, मंसिर । बाँकेको राप्तीसोनारी गाउँपालिकाको बिनौनामा विद्युत प्रसारण लाइन विस्तारको काम शुरु भएको छ । लामो समयदेखि ठेकेदारको ढिलाइका कारण रोकिएको १३२ केभीको प्रसारण लाइन विस्तार कार्य सुरु भएको हो ।

बिनौनाको धामपुर सबस्टेशनसम्म लाइन पुगिसके पनि सडक छेउमा पोल नगाड्दा बस्तीमा विद्युत सेवा पु¥याउन सकिएको थिएन ।

गाउँमा बत्ती बाल्न पोल गाड्ने कामको सुरुआत भएपछि स्थानीयहरु खुशी भएका छन् । राप्तीसोनारी–५ को चिलहरिया, बिनौना, टरुवा, सन्तपुर, जुरपानी, ललही, नयाँ बस्ती, बञ्जरिया, दक्षिण मुलाहा, अलीनगर, रामायणपुर र गोरधुईमा एक वर्ष्भित्र काम सक्ने गरी विद्युत् लाइन विस्तारको ठेक्का रेणु निर्माण कम्पनीलाई दिइएको छ ।