युनाइटेड मोदीले शेयर धनीलाई लाभांश दिदैँ

प्रकाशित मिति : Wed-18-Dec-2019
- Admin

काठमाण्डौ, मंसिर । युनाइटेड मोदी हाइड्रो पावर कम्पनीले शेयर धनीलाई नगद लाभांश दिने भएको छ । पर्वतमा सञ्चालित १० मेगावाटको तल्लो मोदी–१ जलविद्युत आयोजनाका शेयर धनीलाई कम्पनीले लभांश दिने भएको हो ।

कम्पनीले शेयर धनीलाई ८.४२ प्रतिशत (९ करोड ६८ लाख ३० हजार रुपैयाँ) नगद लाभांश दिने प्रस्ताव गरेको छ । आगामी पुस २४ गते हुने कम्पनीको साधारण सभा बाट पारित भएपछि शेयर धनीले लाभांश पाउने छन् ।

कम्पनीमा ७० हजार शेयर धनी सदस्य रहेका छन् । कम्पनीले गत वर्ष पनि सबै शेयरधनी सदस्यलाई ५ प्रतिशत नगद लाभांश वितरण गरेको थियो । कम्पनीको हालको चुत्ता पुँजी १ अर्ब १५ करोड रुपैयाँ छ । कम्पनीले १०.५ मेगावाटको तल्लो मोदी–२ (क्यासकेड) जलविद्युत आयोजना निर्माण गर्दैछ ।