काठमाण्डौ, कात्तिक । नेपाल इलेक्ट्रिसियन संघको १० औँ साधारण सभा एवं पाँचौँ अधिवेशनको अन्तिम तयारी पुरा भएको छ । पुस ५ गते बालाजु स्कुल अफ इन्जिनियरीङ्ग एण्ड टेक्नोलोजी कलेजमा संघको साधारण सभा एवं अधिवेशन हुने भएको हो ।

 

“राष्ट्र निर्माणमा विद्युत महान”  भन्ने मुल नाराका साथ हुने साधारण सभा तथा अधिवेशनमा इलेक्ट्रिसियनहरुको कार्यगत एकता, गुणस्तरयुक्त विद्युतीय सामग्री प्रयोगको सचेतना लगायत विषयमा जानकारी दिने, आर्थिक प्रतिवेदन प्रस्तुत गर्ने, संघको स्मारिका  बिमोचन गर्ने संघका महासचिव  तथा साधारण सभा कार्यक्रम संयोजक  प्रकाश कुमार दाहलले जानकारी दिए  । कार्यक्रममा ऊर्जा, जलस्रोत तथा सिचाई मन्त्री वर्षमान पुनको प्रमुख आथित्य रहने उनले बताए ।