बेनिघाटरोराङ गाउँपालिकामा करेन्ट लागेर एक जनाको मृत्यु

प्रकाशित मिति : मंगल, असार ९, २०७७
- विद्युत संसार संवाददाता

विद्युत संसार ९ असार धादिङ । दक्षिणी धादिङको बेनिघाटरोराङस्थित एक घरमा काठको काम गर्ने क्रममा करेन्ट लागेर एक जनाको मृत्यु भएको छ ।

बेनिघाटरोराङ गाउँपालिका वडा नं २ जोगीडाँडाका दिलबहादुर तामाङका घरमा काठको काम गर्ने क्रममा करेन्ट लाग्दा गजुरी गाउँपालिका वडा नं २ हेपाङका ५५ वर्षीय सुकदेव खुलाल तामाङको मृत्यु भएको जिल्ला प्रहरी कार्यालय धादिङका सूचना अधिकारी तथा प्रहरी नायब उपरीक्षक रुपक खड्काले बताए।

तामाङको शव परीक्षणका लागि प्राथमिक स्वास्थ्य केन्द्र गजुरी लगिएको छ ।