उपत्यकामा मात्र ३७७ सहित देशभर एकैदिन थपिए १ हजार १११ कोरोना संक्रमित

प्रकाशित मिति : बिही, भदौ ११, २०७७
- विद्युत संसार संवाददाता

११ भदौ, काठमाडौं । उपत्यकामा मात्र ३७७ संक्रमित सहित पछिल्लो २४ घण्टामा १ हजार १११ कोरोना भाइरस (कोभिड १९) का संक्रमित भेटिएका छन् । देशभरका प्रयोगशालामा १२ हजार ६२९ नमुना परीक्षण गर्दा ३३४ महिला र ७७७ पुरुषमा संक्रमण पुष्टि भएको हो ।

काठमाडौंमा मात्र २७०, ललितपुरमा ६६ र भक्तपुरमा ४१ जना रहेका छन् ।

यससँगै कुल संक्रमितको संख्या ३५ हजार ५२९ पुगेको छ । उनीहरुमध्ये १८३ जनाको मृत्यु भएको छ भने २० हजार ७३ जना कोरोनामुक्त भएका छन् । पछिल्लो २४ घण्टामा मात्र ५६९ जना डिस्चार्ज भएको स्वास्थ्य मन्त्रालयले जनाएको छ ।