काठमाडौं उपत्यकामा थप ३८८ सहित ११२० जनामा कोरोना पुष्टि, १२ जनाको मृत्यु

प्रकाशित मिति : बुध, भदौ १७, २०७७
- भीमलाल श्रेष्ठ

भदौ १७ काठमाडौ, काठमाडौं उपत्यकामा थप ३८८ जनामा कोरोनाभाइरस संक्रमण पुष्टि भएको छ ।

काठमाडौंमा ३५०, ललितपुरमा २९ र भक्तपुरमा ९ गरी ३८८ जनामा संक्रमण पुष्टि भएको छ । यससहित आज देशभर ३२० महिला र ८०० पुरुष गरी ११२० जना संक्रमित थपिएको बुधबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले बताए ।

कोरोना भाईरसका कारण नेपालभर गएको २४ घण्टामा १२ जनाको मृत्यु भएको छ ।

यस्तै कुल संक्रमितको संख्या ४१ हजार ६४९ पुगेको छ ।

उनीहरुमध्ये २३ हजार २९० कोरोनामुक्त भएका छन् । पछिल्लो २४ घण्टामा १११२ जना कोरोना संक्रमणमुक्त भई डिस्चार्ज भएका छन् ।