भदौ ३० काठमाडौं । मंगलबार नेपाल विद्युत प्रधिकरणमा आयोजित कार्यक्रममा प्राधिकरणका कर्मचारीहरुले  कार्यकारी निर्देशक कुलमान घिसिङलाई  औपचारिक बिदाइ गरेका छन् ।  घिसिङको चार वर्षे कार्यकाल सकिएपछि बिदाइ गरेका हुन् । 

 

 

कार्यक्रममा आधिकारिक ट्रेड युनियन नेपाल विद्युत प्राधिकरण कर्मचारी युनियनका अध्यक्ष रामेश्वोर पौडेलले कुलमान घिसिङको कार्यकालमा प्राधिकरणको कायापलट हुने गरी काम भएको बताएका छन् । सुरुमा घिसिङ पनि माफियाको चङ्गुलमा फस्नुहुन्छ कि भन्ने डर लागेपनि पछि धेरै नाफा हुने संस्थानको रुपमा प्राधिकरणको विकास गर्न सफल भएको भन्दै उनलाई सरकारले पुनः घिसिङलाई नियुक्ति गर्नेछ भन्ने आशा रहेको बताउदै उनले भने  आज बिदाइ गर्दैछौ, अबको १५ दिनभित्र फेरि स्वागत गर्न पाइयोस्’ 

 

प्राधिकरणको कार्यकारी निर्देशकको रुपमा कुलमानको आइतबार ४ वर्षे कार्यकाल सकिएको थियो । उनलाई पुनः नियुक्ति गर्नुपर्ने जनआवाज उठेपनि सरकारले निर्णय लिइसकेको छैन ।