भर्खरै

४० मेगावाटको माथिल्लो चमेलियामा ५ अर्ब १८ करोड लगानी

  • प्रकाशित मिति : सोम, असोज १२, २०७७
  • - विद्युत संसार संवाददाता
title

काठमाडौं, असोज । सुदूरपश्चिम प्रदेशको दार्चुलामा रहेको ४० मेगावाटको माथिल्लो चमेलिया जलविद्युत् आयोजनामा विभिन्न बैंक तथा वित्तीय संस्थाले ५ अर्ब १८ करोड लगानी गर्ने भएका छन् ।
अपि चमेलिया पावर कम्पनीले निर्माण गर्न लागेका यस आयोजनामा लगानी सम्बन्धी आयोजनाको प्रवद्र्धक अपि पावर कम्पनी र बैंकका प्रतिनिधिले सम्झौतामा आइतबार हस्ताक्षर गरेका छन् ।
 
आयोजनामा बैंक तथा वित्तीय संस्थाले ५ अर्ब १८ करोड लगानी गर्ने छन् भने २ अर्ब २२ करोड भने अपि पावर कम्पनीले लगानी आयोजनाले जनाएको छ । 
आयोजनामा हिमालन बैंक लिमिटेडको अगुवाईमा कर्मचारी सञ्चय कोष, राष्ट्रिय वाणिज्य बैंक लिमिटेड, नेपाल बैंक लिमिटेड, नेपाल बंगलादेश बैंक लिमिटेड र सेञ्चुरी कमर्सियल बैंक लिमिटेड गरी ५ संस्थाले लगानी गर्ने भएका छन् ।
 
यस कम्पनीले ८.५ मेगावाट क्षेमताको नौगडगाढ जलबिद्युत आयोजना निर्माण सम्पन्न गरी २०७२ भाद्र २ गते देखि राष्ट्रिय प्रसारण प्रणालीमा जोडेको थियो ।
यस्तै, कम्पनीले दोस्रो आयोजनाको रुपमा सोही नदीको पानी उपयोग गरी ८ मेगावाट क्षमताको अपर नौगड गाढ जलविद्युत आयोजना २०७६ साल कार्तिक १३ गतेदेखि राष्ट्रिय प्रसारणमा जोडेको थियो ।
दुवै आयोजनाबाट उत्पादित विद्युत शक्ति नेपाल विद्युत प्राधिकरणको अत्तरीया–वलाँच १३२ केभी प्रसारण लाईन मार्फत विद्युत प्रवाह गरिरहेको छ ।
 
आयोजनाबाट उत्पादित विद्युत् १३२ केभी प्रसारण लाइन मार्फत प्राधिकरणको वलाँच सवस्टेशनमा जोडिनेछ । आयोजनाबाट वार्षिक २६ करोड ४१ लाख युनिट विद्युत उत्पादन हुुने बताइएको छ ।
४० मेगावाट क्षमता रहेको सो आयोजनाको लागत ७ अर्ब ४० करोड रहेको छ भने आयोजनाबाट २०७९ फागुनदेखि विद्युत उत्पादन गर्ने लक्ष्य रहेको छ । 

प्रतिक्रिया