खाली ग्यास सिलिण्डरको मूल्य दुई हजार एक सय रुपैयाँ तोकियो

प्रकाशित मिति : सोम, असोज २६, २०७७
- विद्युत संसार संवाददाता

काठमाडौं, असोज । नेपाल एलपी ग्यास उद्योग संघले ग्यासको खाली सिलिण्डरको दुई हजार एक सय रुपैयाँ मूल्य तोकेको छ ।

गत असोज २८ गते देखि दुर्गम जिल्ला बाहेक देशैभर लागु हुने गरी खाली सिलिण्डरको मूल्य तोकेको हो ।

पहिलो चरणमा बागमती प्रदेशमा ग्यासको खाली सिलिण्डरको सञ्चालित उद्योगहरुको मात्र ग्यासको सिलिण्डरको मूल्य तोकेको संघले दोस्रो चरणमा दुर्गम जिल्लाबाहेक देशैभरी एकै मूल्य तोकेको छ । यसअघि असोज २ गते बागमती प्रदेशमा समेत संघले सोही मूल्य तोकेको थियो ।

खाली सिलिण्डरको मूल्य निर्धारण गरेको संघले मूल्य निर्धारणसँगै खरिद बिक्रीमा अनिवार्य धरौटी रसिद हुनुपर्ने बताएको छ । बिक्रेताहरु मार्फत ग्यास लिँदा उपभोक्ताहरुले अनिवार्य धरौटी रसिद लिनु पर्ने अन्यथा रसिद नभएको सिलिण्डरको जवाफदेही तथा जिम्मेवारी उद्योगले नलिने संघले जनाएको छ ।

।