असोज २९ काठमाडौ ।  विभिन्न कारणवस विद्युत केही समय अवरुद्ध हुने प्राधिकरणको सूचना त धेरै नै पढ्दै आएका  थियौ तर असोज २७ गते प्राधिकरणले निकालेको एउटा यस्तो सुचना जहाँ प्राधिकरणको राष्ट्रिय प्रसारण लाईन नै नपुगेको वडामा ७ घण्टा विद्युत अवरुद्ध हुँदैछ । 

 

यो घटना हो बोगटान फुडसिल गाउँपालिका वडा न ७ को । नेपाल विद्युत प्राधिकरण वितरण तथा ग्राहक सेवा निर्देशनालय सुदुरपश्चिम कार्यालय अत्तरिया डोटी वितरण केन्द्र, दिपायलले असोज २७ गते निकालेको सूचनामा राजपुर फिडरको पिपल्ला देखि वायल सम्मको ११ के.भि. प्रसारण तथा ०.४ के.भी वितरण लाईनको दायाँ बायाँका रुखका हाँगा कटानी गर्नुपर्ने भएकोले असोज २८ गते बुधबार ९ बजे देखि ५ बजे सम्म के.आई.सिंह गाउँपालिका १ देखि ६ र बोगटान गाउँपालिका ६ र ७ वडाहरुमा लाईन अवरुद्ध हुने भनिएको छ । जसमध्ये बोगटान गाउँपालिका ७ वडामा प्राधिकरणको राष्ट्रिय लाईन नै नपुगेको  वडा नं. ७ का वडा अध्यक्ष देव बहादुर बमले विद्युत संसारलाई बताए ।

 

वडा अध्यक्ष बमका अनुसार अरु वडामा विद्युत लाईन पुगेको र ७ नं. वडामा पनि केही वर्ष देखि विद्युत ल्याउन बिजुलीका पोलहरु गाडियो । तर सम्बन्धित निकायको ध्यान नपुग्दा बनाईएका पोलहरु पनि जिर्ण हँुदै आएको बताए । उनले भने “प्राधिकरणले हाम्रो वडामा कुन विद्युत अवरुद्ध गर्ने हो मलाई जानकारी भएन, हाम्रो गाउँमा टुुंडागाड लघु जलविद्युत मार्फत बत्ती बल्दै आएका छौ अब यो प्राधिकरणसँग कुनै सरोकारको विषय नै भएन ।”

 

सोही वडाका संचारकर्मी किरण धामीले बर्षौ देखि विद्युतलाई ल्याउन पोल गाडिएको छ , केही ठाउँमा तारहरु पनि विछ्याइएको छ तर सम्बन्धित निकायको ध्यान नपुग्दा काम सम्पन्न हुन नसकेको बताए । काम सुचारु हुन नसक्दा बनेका संरचनाको पनि बिग्रने अवस्थामा पुगेको उनको भनाई थियो । 

प्राधिकरणको सुचना हेर्नुहोस् ।