सकारात्मक निर्णय

प्रकाशित मिति : बुध, मंसिर १०, २०७७
- सम्पादकीय

अहिले नेपाली विद्युतीय बजारमा विभिन्न ब्राण्डका विद्युतीय एलईडी बल्बहरुको बिक्रि वितरण हुँदै आइरहेको छ । बिक्रि भइरहेकाहरु मध्ये केही गुणस्तरयुक्त छन् भने केही गुणस्तरविहिन छन् । गुणस्तरको मापदण्ड भन्दा कम आयु भएका बल्बहरुको बिक्रि वितरणमा नेपाल गुणस्तर तथा नापतौल विभागले रोक लगाउने भएको छ ।

जिएसएल चिमले भन्दा ‘बिजुली कम खपत गर्ने भएकाले अहिले एलईडी बल्बको प्रयोग बढ्दो क्रममा छ । तर बजारमा मापदण्ड भन्दा कम आयु भएका गुणस्तरहीन बल्बको बढी प्रयोग भइरहेको पाइएको छ ।

एलईडी बल्ब ‘न्यूनतम पनि दैनिक पाँच घण्टा प्रयोग हुँदा एउटा एलईडी बल्बको आयु आठ वर्ष हुनुपर्छ । बिजुली खपतको मापदण्ड, ‘आँखाको स्वास्थ्यका लागि आँखाको ज्योतीलाई प्रभाव नपार्ने लाइटिङ प्रणाली हुनुपर्ने मापदण्ड समेत बनेको छ ।

सेतो प्रकाश ८० प्रतिशत हुने किसिमले बल्ब निर्माण हुनुपर्छ । विभागको त्यो मापदण्ड अनुसारको नभएका एलईडी बल्ब बिक्री वितरणमा रोक लगाई ६ महिनाभित्र मापदण्डभित्र नपर्ने एलईडी बल्ब बिक्रीमा रोक लगाइएको छ ।

विभागले तोकेको एलईडी बल्बको आयु १५ हजार घण्टा छ । सो समय भन्दा कम आयु भएको एलईडी बल्बको विक्रि वितरण गर्न रोक लगाउनु सकारात्मक विषय हो । जुन निर्णयले गुणस्तर हिन एलईडी बल्ब बजारमा आउने छैनन् । जसले गर्दा गुणस्तर युक्त बल्बले उपभोक्ताको समय देखि खर्चमा समेत बचत हुने छ सँगै विद्युतीय दुर्घटनामा पनि कमि आउने छ ।