प्राधिकरणले दुई दिन विद्युत सेवा अवरुद्ध हुँदै, यी स्थानमा हुँदैछ विद्युत सेवा अवरुद्ध

प्रकाशित मिति : मंगल, मंसिर १६, २०७७
- विद्युत संसार संवाददाता

काठमाण्डौ, मंसिर । नेपाल विद्युत प्राधिकरणले दुई दिन विद्युत सेवा बन्द गर्ने भएको छ ।

प्राधिकरणको बानेश्वर वितरण केन्द्र अन्र्तगत पर्ने जोरपाटी देखि सुन्दरीजलसम्मको सडक निर्माण गर्नका लागिएकोले आज र भोली विद्युत सेवा अवरुद्ध हुने भएको हो ।

जोरपाटी देखि सुन्दरीजलसम्मको सडक निर्माण कार्य भइरहेकोले त्यस सडकमा पर्ने विद्युतीय लाइन, पोल तथा ट्रान्सफर्मरहरू विस्तारित सडककोे सिमामा स्थानान्तरण गर्नुपर्ने हुँदा मिति २०७७।०८।१६ र १७ गते बिहान १०ः०० बजेदेखि बेलुका ३ः०० बजेसम्म उक्त फिडरहरूबाट आपूर्ति हुने क्षेत्रहरूमा विद्युत सेवा बन्द हुने छ ।

विद्युत सेवा अवरुद्ध हुने स्थानहरु माइती नेपाल, संडोल, नयाँपाटी, नाम्गेल, सुन्दरीज, बीपी चोक र आसपासको क्षेत्रहरु अवरुद्ध हुने आजको गोरखापत्र दैनिकमा सूचना जारी गरिएको छ । निर्धारित समय अगावै कार्यसम्पन्न भए सेवा सुचारु गरिने प्राधिकरणले जनाएको छ ।