बिधुत सर्ट हुँदा विमानस्थलको कर्मचारी बस्ने घरमा आगलागी

प्रकाशित मिति : बिही, मंसिर १८, २०७७
- गोरखापत्र अनलाइन

मङ्सिर १८ काठमाडौ । बिहीवार सिमकोट बिमानस्थलको कार्यालय प्रमुख बस्ने क्वाटरमा बिधुत सर्ट हुँदा आगलागी भएको छ । बिहान साढे चार बजे एक्कासि क्वाटरमै रहेको स्टोर कोठामा बिधुत सर्ट भएपछि आगलागी भएको हो ।

बिहान अधँरैमा आगोको गन्ध आएपछि पल्लो कोठा रहनु भएका कार्यालय प्रमुख बिष्णुप्रसाद अधिकारी बाहिर आएपछि आगलागी भएको खवर बाहिर आएको प्रहरी नायव उपरीक्षक सुर्यप्रकाश सुवेदीले बताए ।

आगलागीको प्रकृति हेर्दा स्टोरमा बिधुत सर्ट भएपछि आगलागी भएको उक्त कोठा र अर्को कोठा पनि पूर्ण रुपमा नष्ट भएको बिमान स्थलको फायर शाखाका बरिष्ट सहायक शिबराम धितालले बताए । छ वटा कोठा, दुई वटा शौचालय र एउटा बरण्डा भएको भवन पूर्णरुपमा काम नलाग्ने भएको उनले बताए । आगलागी सुरु भएको कोठामा कार्यालयका कागजात, एसी, सोलार, ब्याट्री पनि नष्ट भएको छ । बाँकी रहेका कोठाको झ्याल ढोका पनि आगो नियन्त्रण गर्न फोडिएको छ । भवनमा पचास प्रतिशत क्षेत्र पुगेको छ । आगलागीबाट अन्य कर्मचारी कसैलाई केही नभए पनि एक जना कार्यालय सहयोगी हातमा चोट लागेको छ ।

आगोलाई करिब तीन घण्टाको प्रयास पछि नियन्त्रणमा लिईएको थियो । आगलागी नियन्त्रण गर्न नेपाली सेना, नेपाल प्रहरी, सशस्त्र प्रहरी, बजारवासी, सिमकोट गाउँपालिका वडा नम्बर ५ र ६का बासिन्दा पुगेका थिए । आगालागीको क्षेती आउन बाँकी छ । क्षेती बिबरणका लागि सिमकोट गाउँपालिका बिमान स्थलले पत्राचार गर्ने र त्यसपछि प्राबिधिक आएपछि मात्रै थाहा हुने छ । सिमकोट बजारमा प्रहरीले माईकिङ गरेर सर्बसाधारणलाई आगो नियन्त्रणमा सहयोग गर्न आग्रह गरेको थियो । आगलागीको अनुसन्धान गर्न नागरिक उड्डयान प्राधिकरण काठमाडौंबाट एक टोली आजै सिमकोट आउदैछ ।