सडक बत्ति दुई बर्ष नपुग्दै विग्रए, मर्मतका लागि गाउँपालिकाबाट भएन पहल

प्रकाशित मिति : शुक्र, मंसिर १९, २०७७
- Admin

मंसिर १९ काठमाडौ । दार्चुलाको मालिकार्जुन गाउँपालिकामा जडान गरिएका १८ सेट सडकबत्ती दुई वर्ष नपुग्दै बिग्रिएका छन ।

गाउँपालिकाको आठ लाख र वैकल्पिक ऊर्जा प्रवद्र्धन केन्द्रको १२ लाख गरी १८ लाख रुपियाँ आर्थिक लगानीमा २०७५ मा जडान गरिएका सडकबत्ती दुई वर्ष नपुग्दै बिग्रिएका हुन । मालिकार्जुन गाउँपालिका–३ को मालिकार्जुन मन्दिर, शिलङसंगै बजारक्षेत्र र भण्डारी घर क्षेत्रमा जडान गरिएका सडकबत्ती अहिले काम नलाग्ने अवस्थामा पुगेको स्थानीय रिनुसिंह धामीले जानकारी दिए उनले भने, दुई वर्ष पहिले जडान गरिएका सडकबत्ती अहिले काम नलाग्ने गरेर बिग्रिएका छन ।

कतिपय ठाउँका सडकबत्तीका ब्याट्रीबाट स्थानीयले घरमा तार तानेर बत्ती बालेका छन । सडकबत्ती मर्मतका लागि गाउँपालिकाले कुनै पहल नगरेको‚ स्थानीय गणेश धामीले गुनासो गरे गाउँपालिका अध्यक्ष नरेन्द्रसिंह धामीले भने सडकबत्ती प्रविधिको खराबीको कारण बिग्रिएको मर्मतका लागि पहल भइरहेको बताए ।

सडकबत्तीको ब्याट्रीबाट स्थानीयले तार तानेर प्रयोग गरेको बारेमा भने आफूलाई जानकारी नभएको अध्यक्ष धामीको भनाइ छ । बत्ती मर्मतका लागि वैकल्पिक ऊर्जा प्रवद्र्धन केन्द्रसँग सहकार्य भइरहेको गाउँपालिकाले जनाएको छ । आजको गोरखापत्रमा खबर छ ।