काठमाडौं, पुस । नेपालगञ्ज इलेक्ट्रिकल एशोसिएसनबाट बर्दियाका विद्युतीय व्यवसायीहरु बाहिरिने भएका छन् ।

 

एशोसियसनको गावरभ्याली लायन्स पार्कमा भोली शनिबार आयोजना हुने छैटौं वार्षिक साधारण सभा एवंम् वनभोज कार्यक्रमबाट बर्दियाका २० जना व्यवसायी बाहिरिने भएका हुन् ।

 

एशोसिएसनका अध्यक्ष शिव रिजालका अनुसार एशोसियसनको विधान अनुसार हामीले अघिल्लो साधारण सभाबाट सदस्यता पारित ग¥यौ तर सभाले पारित गरेका निर्णयहरुलाई जिल्ला प्रशासन कार्यालयबाट अस्विकार गरेकोले बर्दियाका व्यवसायीलाई एशोसियसनको सदस्यताबाट खारेज गर्नुपरेको उनले बताए ।

 

एशोसियसनबाट सदस्यता खारेज भएतापनि महासंघको बर्दियामा तर्दथ समिति गठन गर्न सहयोग गर्ने प्रतिबद्धता उनले व्यक्त गरेका छन् । साधारण सभा कार्यक्रममा वार्षिक आय व्यायको प्रतिवेदन पेश गर्ने, आर्थिक स्रोतको व्यवस्थापन प्रक्रिया निर्धारण गर्ने लगायतका कार्यक्रमहरु रहेको हामीसँगको कुराकानीमा  बताए । कार्यक्रममा १०० जना भन्दा बढीको उपस्थिति रहने छ । एशोसियसनमा हाल १२० जना सदस्य आवद्ध रहेका छन् ।