एशोसिएसनबाट बाहिरिए बर्दियाका विद्युतीय व्यवसायी

प्रकाशित मिति : सोम, पौष १३, २०७७
- विद्युत संसार संवाददाता

विराटनगर, पुस । नेपालगञ्ज इलेक्ट्रिकल एशोसिएसनबाट बर्दियाका विद्युतीय व्यवसायीहरु बाहिरिएका छन् । एशोसियसनको गावरभ्याली लायन्स पार्कमा शनिबार आयोजित छैटौं वार्षिक साधारण सभा एवंम् वनभोज कार्यक्रमबाट बर्दियाका २० जना व्यवसायी बाहिरिएका हुन् ।

एशोसिएसनका अध्यक्ष शिव रिजालका अनुसार एशोसियसनको विधान अनुसार हामीले अघिल्लो साधारण सभाबाट सदस्यता पारित ग¥यौ तर सभाले पारित गरेका निर्णयहरुलाई जिल्ला प्रशासन कार्यालयबाट अस्विकार गरेकोले बर्दियाका व्यवसायीलाई एशोसियसनको सदस्यताबाट खारेज गर्नुपरेको उनले बताए ।

एशोसियसनबाट सदस्यता खारेज भएतापनि महासंघको बर्दियामा तर्दथ समिति गठन गर्न सहयोग गर्ने प्रतिबद्धता उनले व्यक्त गरेका छन् । साधारण सभा कार्यक्रमका प्रमुख अतिथि नेपालगञ्ज उद्योग वाणिज्य संघका अध्यक्ष अब्दुल वाहिद मन्सुरी रहेको थियो भने विशेष अतिथि बाँके विद्युतीय व्यवसायी संघका अध्यक्ष ओमप्रकाश भट्राई रहेको थियो । एशोसियसनमा हाल १२० जना सदस्य आवद्ध रहेका छन् ।

कार्यक्रममा संघको वार्षिक आय व्यायको प्रतिवेदन सार्वजनिक गरिनुका साथै आर्थिक स्रोतको व्यवस्थापन प्रक्रिया निर्धारण गरिएको थियो । कार्यक्रममा करिब १०० जनाको उपस्थिति रहेको थियो ।