आज उपत्यकाका यी स्थानमा ३ घण्टासम्म लोडसेडिङ्ग हुने

प्रकाशित मिति : बिही, पौष १६, २०७७
- विद्युत संसार संवाददाता

काठमाण्डौ, पुस । पछिल्लो समय प्राधिकरणले विना कुनै सूचना अघोषित रुपमा नेपाल विद्युत प्राधिकरणले लोडसेडिङ्ग गरिरहेको छ । यसको नागरिक स्तरबाट तीव्र आलोचना भइरहेको छ । अघोषित लोडसेडिङ्ग गर्दै आएको प्राधिकरणले आज बिहीबार पनि राजधानीका केही क्षेत्रहरुमा ३ घण्टासम्म बिजुली नआउने सूचना प्रकाशित गरेको छ ।

प्राधिकरणले बुधबार साँझ एक सूचना प्रकाशित गर्दै प्राधिकरणले लगनखेल वितरण केन्द्र अन्तर्गतको चापागाउँ फिडर, हरिसिद्धि फिडर र रेडियो नेपाल फिडरमा बिहीबार बिहान र दिउँसो ३ घण्टासम्म लोडसेडिङ्ग हुने सूचना प्रकाशन गरेको छ । प्राधिकरणका अनुसार बानेश्वर सव स्टेसनको लोड व्यवस्थापनका लागि विभिन्न फिडरहरुलाई सटडाउनमा राखी काम गर्नुपर्ने भएकोले बिजुली नआउने भएको हो ।

जसअनुसार चापागाउँ फिडरमा बिहान ९ बजेदेखि १० बजेसम्म, हरिसिद्धि फिडरमा दिउँसो १२ बजेदेखि २ बजेसम्म र रेडियो नेपाल फिडरमा दिउँसो १२ बजेदेखि ३ बजेसम्म लोडसेडिङ्ग हुनेछ ।

जनताको तीव्र आलोचना भईरहेको बेला प्राधिकरणले लोड व्यवस्थापन र अन्य केही प्राविधिक कारणले यस्तो भइरहेको जनाएको छ । प्राधिकरणले विगतमा पनि यस्तो हुने गरेको दाबी गर्दै आइरहेको छ ।