रुपन्देही विद्युतीय व्यवसायी संघको साधारण सभा तथा पाँचौ अधिवेशन हुँदै

प्रकाशित मिति : Wed-01-Jan-2020
- विद्युत संसार सम्वाददाता

काठमाण्डौ, पुस । विद्युतीय व्यवसायीहरुको हकहितका लागि काम गर्दै आएको रुपन्देही विद्युतीय व्यवसायी संघको आठौँ वार्षिक साधारण सभा तथा पाँचौ अधिवेशन हुने भएको छ । यहि पुस १९ गते शनिबार बुटवल स्थित दियालो फुडल्याण्डमा साधारण सभा तथा अधिवेशन हुने भएको हो ।

संघको नियमित २२ औँ बैठकबाट साधारण सभा तथा अधिवेशनको मिति तय भएको संघका अध्यक्ष प्रकाश चन्द्र पाण्डेयले बताए । साधारण सभामा निजी तथा सामुदायिक विद्यालयबाट एसईई दिएका उत्कृष्ट एक एक जना सदस्यका छोराछोरीलाई सम्मान गर्ने र संघमा सक्रिया भूमिका निर्वाह गर्दै समाजिक कार्यक्रममा सक्रिय रहदै आएका एक जना सदस्यलाई पनि सममान गर्ने उनले बताए । साधारण सभा कार्यक्रममा संघको वार्षिक प्रतिवेदन, आर्थिक प्रतिवेदन प्रस्तुत गरिने पनि उनले बताए । कार्यक्रममा तिलोत्तमा नगरपालिकाका नगरप्रमुख वासुदेव घिमिरेको प्रमुख आथित्य रहने उनले जानकारी दिए । विद्युतीय व्यवसायीहरुको हकहित तथा अधिकारका लागि काम गर्दै संघले सामाजिक सेवामुलक कार्यमा पनि सक्रिय भूमिका निर्वाह गर्दै आएको छ । कार्यक्रममा तीन सय भन्दा बढी विद्युतीय व्यवसायीहरुको उपस्थिति रहने अपेक्षा गरीएको उनले बताए ।