ग्यासको मूल्यमा बृद्धि

प्रकाशित मिति : Tue-04-Feb-2020
- Admin

काठमाण्डौ, माघ । खाना पकाउने एलपी ग्यासको मूल्य २५ रुपैयाँले बृद्धि भएको छ । नेपाल आयल निगमले अन्तराष्ट्रिय बजारमा ग्यासको मूल्य बढेको जनाउँदै सोमबार राति १२ बजेदेखि लागू हुने गरी मूल्य बृद्धि गरेको हो ।

निगमका प्रवक्ता वीरेन्द्र गोइतले एलपी ग्यासको औसत खरिद मूल्य बढेको जनाएका छन् । स्वचालित मूल्य प्रणाली अनुसार समायोजन गर्दा प्रति सिलिन्डर २५ रुपैयाँ बढ्ने उनले बताए ।

नयाँ मूल्य सूची अनुसार प्रतिसिलिन्डर ग्यासको मूल्य १३ सय ७५ रुपैयाँ पर्छ । निगमले पेट्रोल, डिजेल र मट्टितेलको मूल्यमा भने प्रतिलिटर १र१ रुपैयाँको दरले घटाएको छ ।

नयाँ मूल्यसूची अनुसार प्रतिलिटर पेट्रोल १ सय १० रुपैयाँ, डिजेल र मट्टितेल ९९र ९९ रुपैयाँ पर्ने निगमले जनाएको छ । यस्तै, हवाई इन्धनको मूल्य भने यथावत रहेको छ ।