चितवनमा ‘निउ’ इलेक्ट्रिक स्कूटरको शोरूम सञ्चालनमा

प्रकाशित मिति : Sun-08-Mar-2020
- Admin

चितवन,फागुन । वातावरणमैत्री, प्रदुषणमुक्त इलेक्ट्रिक स्कुटरको नयाँ शोरुम चितवनमा सञ्चालनमा आएको छ । पिनाकल मोटोरोडले शुक्रबारदेखि चितवनमा निउ इलेक्ट्रिक स्कूटरको शोेरूम सञ्चालनमा ल्याएको हो ।

इको इफिनिटिक प्रालिले बजारमा ल्याएको स्कूटरको उक्त शोरूमको उद्घाटन उद्योग वाणिज्य संघ चितवनका अध्यक्ष राजु श्रेष्ठले गरेका थिए । अध्यक्ष श्रेष्ठले इलेक्ट्रिक स्कूटरले वातावरण प्रदूषण कम गर्ने र उपभोक्ताको खर्च घटाउने बताए । इलेक्ट्रिक स्कुर वातावरण मैत्री भएकाले इलेक्ट्रिक स्कूटरको माग र प्रयोग बढ्ने उनले बताए ।

कार्यक्रममा इको इफिनिटिकका प्रमुख उज्जवल जोशीले दुईपांग्रे सवारीमा निउ इलेक्ट्रिक स्कूटरले ग्राहकको मन जित्ने विश्वास व्यक्त गरे । यो स्कूटर नेपालमै नम्बर प्लेट प्राप्त गर्ने पहिलो इलेक्ट्रिक सवारी भएको उनको भनाइ छ । साथै एकभन्दा बढी विक्री कक्ष भएको र ‘क’ वर्गको बैंकबाट फाइनान्स सुविधा पाइने यो नै पहिलो इलेक्ट्रिक स्कूटर भएको उनले जानकारी दिए ।

पिनाकल मोटोरोडका प्रबन्ध निर्देशक ईश्वर श्रेष्ठले काठमाडौं जस्तै चितवनमा पनि स्कूटरले राम्रो बजार लिने विश्वास व्यक्त गरे । पेट्रोल स्कूटरका तुलनामा इलेक्ट्रिक स्कूटर प्रयोग गर्दा वार्षिक रू. ५० हजार खर्च कम गर्न सकिने कम्पनीले जनाउको छ ।