ऊर्जा मन्त्रालयले भन्यो 'लोडसेडिङ एउटा इतिहास बन्यो', लोडसेडिङ हुने कुरा नगरौं

प्रकाशित मिति : शुक्र, पौष २४, २०७७
- विद्युत संसार संवाददाता

काठमाडौं २४ पुस । ऊर्जा जलस्रोत तथा सिँचाई मन्त्रालयले लोडसेडिङ भन्ने विषय इतिहासमा अध्ययनको विषय भएको बताएको छ । मन्त्रालयले बिहिवार एक विज्ञाप्ति सार्वजनिक गर्दै नेपाल विद्युत प्राधिकरणले गत १७ गते शुक्रवार निकालेको विज्ञाप्तिबाटै लोडसेडिङ हुँदैन भन्ने स्पष्ट भएको बताएको छ ।

तत्कालीन समयमा ऊर्जा संकट तत्काल र दीर्घकालीन रुपमा समाधान गरी समृद्धिमा योगदान प¥याउन वि.सं. २०७२ सालमा राष्ट्रिय ऊर्जा संकट निवारण तथा विद्युत विकास दशक संम्बन्धी ९९ बुँदे कार्ययोजना बनाएर सुरु गरेको हुँदा त्यसैको परिणाम पछिल्ला वर्षमा देखिएको र लोडसेडिङ अन्त्य भएको विज्ञप्तिमा उल्लेख गरिएको छ ।

विज्ञाप्तिमा भनिएको छ “विद्युत वितरण प्रणालीलाई आधुनिक, व्यवस्थित र प्रभावकारी बनाउन भूमिगत वितरण प्रणालीलाई सहरी सौन्दर्यकरण एवं एकीकृत भूमिगत प्रशारण लाईन बनाउँदा पूर्ण व्यवस्थित, मितव्ययी, दिगो व्यवस्थापन हुने गरी अगाडी बढाउँदा बढी सान्र्दभिक र लाभदायक हुन्छ भन्ने साझा सोच बढी उपयुक्त हुन्छ ।”

मन्त्रालयको जारी विज्ञप्तिमा पछिल्लो दिनमा केही सञ्चार माध्यमहरुबाट योजनाबद्ध रुपमा लोडसेडिङ, विद्युत लाईन तथा भूमिगत विद्युतीय वितरण प्रणाली जडानका सन्दर्भमा सत्य कुरा तोडमोड गरी मन्त्री वा मन्त्रालयको मर्मको गलत व्याख्या गरिएकोले त्यसो नगर्न सर्वसाधारण तथा सरोकारवालालाई आग्रह गरेको छ ।