पोखरा इलेक्ट्रिकल एशोसिएसनको अध्यक्षमा आचार्य निर्वाचित

प्रकाशित मिति : आईत, माघ ४, २०७७
- प्रदिप श्रेष्ठ

पोखरा, माघ । पोखरा इलेक्ट्रिकल एशोसिएसनको अध्यक्षमा मुक्तिनाथ आचार्य निर्वाचित भएका छन् ।

एशोसिएसनको शनिबार भएको २१ औं साधारण सभा तथा ११ अधिवेशनबाट अध्यक्षमा आचार्य निर्वाचित भएका हुन् ।

एशोसिएसनका अध्यक्षसहित सबै नयाँ पदाधिकारी र सदस्यहरु सर्वसम्मत निर्वाचित भएको एशोसिएसनका निवर्तमान अध्यक्ष राजु भण्डारीले हामीसँगको कुराकानीमा बताए ।

नयाँ कार्यसमितिमा वरिष्ठ उपाध्यक्ष ऋषिराज बराल, द्वितीय उपाध्यक्ष शिशिर मिश्र, तृतीय उपाध्यक्ष गिरीराज बराल, महासचिव केशव ढकाल, सचिव नीलबहादुर भुजेल, कोषाध्यक्ष कृष्णमणि भण्डारी र सहकोषाध्यक्षमा सरस्वती गिरी निर्वाचित भएका छन् ।

त्यस्तै सदस्यहरुमा विजय क्षेत्री, मिलन तामाङ, अमृत पोखरेल, सुशीला भुर्तेल अधिकारी, प्रदीपराज पौडेल निर्वाचित भएका छन् ।

एशोसिएसनको साधारण सभा तथा अधिवेशन कार्यक्रममा प्रमुख अतिथि नेपाल विद्युतीय व्यवसायी महासंघका अध्यक्ष सुर्दशन पौड्याल, विशेष अथितिहरुमा उद्योग वाणिज्य महासंघ गण्डकी प्रदेशका अध्यक्ष सन्जिव बहादुर कोइराला र पोखरा उद्योग वाणिज्य संघका अध्यक्ष नारायण कोइराला , नेपाल विद्युतीय व्यवसायी महासंघका प्रथम उपाध्यक्ष रेशम देवकोटा रहेको थियो ।

कार्यक्रममा प्रमुख अतिथितथा विशेष अतिथिहरुले कार्यक्रमलाई सम्बोधन गर्दै अधिवेशनबाट छानिएका कार्यसमितिहरुलाई नयाँ कार्यकालको शुभकामना व्यक्त गरेका थिए ।