फेरि पनि बढ्यो पेट्रोलियम पदार्थको मूल्य ,अब ग्यासको प्रति सिलिन्डर रु. १४ सय

काठमाडौं, माघ । नेपाल आयल निगमले पुन पेट्रोलिय पदार्थको मूल्य बढाएको छ ।

बुधबार राति १२ बजेदेखि लागू हुने गरी पेट्रोल, डिजेल र मट्टीतेलको मूल्य वृद्धि भएको हो ।

नेपाल आयल निगमका अनुसार अब खाना पकाउने ग्यास प्रतिसिलिन्डर एक हजार चार सय पुगेको छ । पेट्रोल, डिजेल र मट्टीतेलमा प्रतिलिटर दुई÷दुई रुपैयाँ बढाएको छ ।

नयाँ तालिका अनुसार अब पेट्रोलको मूल्य प्रतिलिटर एक सय १२, डिजेल र मटितेलको मूल्य प्रतिलिटर ९५ रुपैयाँ पुगेको छ ।

त्यस्तै, खाना पकाउने ग्यासको मूल्य पनि प्रतिसिलिन्डर २५ रुपैयाँ बढेर रु १४ सय पुगेको नेपाल आयल निगमका प्रवक्ता विनितमणि उपाध्यायले बताए ।

उनले भने अहिले हवाई इन्धनको मूल्य भने नबढी यथावत रहेको उनको भनाई छ ।