सिजी ग्रुपको आकर्षक फ्यानहरु बजारमा

प्रकाशित मिति : सोम, चैत ९, २०७७
- विद्युत संसार संवाददाता

काठमाडौं, ९ चैत । नेपालको सबैभन्दा ठूलो इलेक्ट्रोनिक्स ब्राण्डको रुपमा चिनिने सिजी ग्रुपले आकर्षक पंखाहरु नेपाली बजारमा ल्याएको छ ।

दिन प्रतिदिन गर्मी बढेसँगै सिजीले विभिन्न किसिमका नयाँ तथा आकर्षक पंखाहरु नेपाली बजारमा भित्राएको हो ।

सिजी ग्रुपले नेपाली बजारमा उपभोक्ताहरुको मागलाई मध्यनगर गर्दै फरक फरक किसिमका आकर्षक पंखाहरू बजारमा ल्याएको जानकारी दिएको हो । कम्पनीले अब उपभोक्ताहरुले आफ्नो रुचि अनुसारको पंखाहरु नजिकको डिलरबाट खरिद गर्न सक्ने जनाएको छ ।

सिजीले बजारमा ल्याइएको पंखाहरूमा सिलिङ फ्यान, स्ट्याण्ड फ्यान, टेबुल फ्यान, वाल फ्यान, एडजस्ट फ्यान र रिचार्जेवल फ्यानहरु रहेका छन् । यी हरेक पंखाहरु झट्ट हेर्दा निकै नै आकर्षक देखिन्छ । तर हरेक पंंखा फरक फरक किसिमको विशेषताका साथै विभिन्न साईजमा पनि उपलब्ध रहेको कम्पनीले जनाएको छ ।

कम्पनीले हामीलाई दिएको जानकारी अनुसार सिलिङ फ्यानको खरिदमा २४ महिनाको वारेण्टी पाउनुका साथै रिमोट पनि पाइन्छ । यी सिलिङ फ्यानहरु २४ इन्चदेखि ४८ इन्चसम्म उपलब्ध छन् ।

त्यस्तै स्ट्याण्ड फ्यानमा १२ महिनाको वारेण्टी र विभिन्न आकर्षक स्वरुपका मोडलहरुमा पनि पाइन्छ । स्ट्याण्ड फ्यानमै सिजीले बत्ति नभएको बेलामा समेत चलाउन मिल्ने रिचार्जेवल पंखाहरु पनि ल्याएको छ । यी फ्यानहरुमा १२ महिनाको वारेण्टी र आकर्षक रंगहरुमा उपलब्ध गराएको छ ।