ऊर्जामन्त्री सहित पदमुक्त भएका चार मन्त्रीको शीतलनिवासमा शपथग्रहण गर्दै

प्रकाशित मिति : शुक्र, चैत २७, २०७७
- विद्युत संसार संवाददाता

काठमाडौं,चैत । नेकपा (माओवादी केन्द्र)को कारबाहीका कारण पदमुक्त भएका चार मन्त्रीको आजै शीतलनिवासमा पुनर्नियुक्ति र सपथ हुने भएको छ ।

प्रधानमन्त्री केपी शर्मा ओलीले पदमुक्त भएका ऊर्जामन्त्री सहित चारै जना मन्त्रीलाई पुनर्नियुक्ति गर्न लागेका हुन् ।

मन्त्रीहरुको दिउँसो ५ बजे शपथग्रहण कार्यक्रम राखिएको स्रोतले जनाएको छ । प्रतिनिधिसभा सदस्य नभएको व्यक्ति पनि ६ महिनासम्म मन्त्री हुन पाउने संवैधानिक व्यवस्था अनुसार माओवादीबाट एमाले बनेका नेताहरुलाई पुनर्नियुक्ति दिइएको हो ।

६ महिनाभित्र उपचुनाव हुनुपर्ने भएकाले ऊर्जा, जलस्रोत तथा सिंचाईमन्त्री टोपबहादुर रायमाझी, उद्योग था वाणिज्य मन्त्री लेखराज भट्ट, शहरी विकास मन्त्री प्रभु साह र श्रम रोजगार तथा सामाजिक सुरक्षा मन्त्री गौरीशंकर चौधरी त्यतिन्जेल मन्त्री हुन पाउनेछ ।