७ बुँदे माग सहित प्रधानमन्त्रीलाई बुझाए यातायात व्यवसायीले गाडीको चाबी

प्रकाशित मिति : आइत, साउन १०, २०७८
- विद्युत संसार

काठमाडौं १० साउन । विभिन्न माग राख्दै आएको सार्वजनिक यातायात व्यवसायीहरूले आइतबार काठमाडौंको माइतीघरमा प्रदर्शनसँगै व्यवसायीहरुले प्रमुख जिल्ला अधिकारीमार्फत प्रधानमन्त्रीलाई सार्वजनिक सवारी साधनको साँचो बुझाएका छन् ।

प्रदर्शनमा यातायात क्षेत्रमा काम गर्नेहरूलाई कोरोनाविरूद्ध खोप लगाउनुपर्ने, महामारीका कारण संकटमा परेको व्यवसायलाई मौद्रिक नीतिमार्फत समाधान गर्नुपर्ने, यातायातको बीमा छुट समायोजन गर्नुपर्ने, नवीकरण र जरिवाना छुट गर्नुपर्ने, व्यवसायीहरुले भाडा समायोजन गरिनुपर्ने, २० वर्ष सवारीको अवधि थप गर्नुपर्ने र सडक कानून लागू गर्नुपर्ने माग पनि अघि सारेका छन् ।

त्यस्तै कोरोनाको कारण बन्दाबन्दीको अवधिलाई शून्य समय मान्दै मौद्रिक नीतिमार्फत यातायात व्यवसायीलाई थप कर्जा, पुनर्कर्जा, कर्जा पुनर्तालिकीकरणहित ब्याजदरमा कम्तीमा बेस रेट कायम गर्नुपर्ने, दुर्घटनाको गम्भीर उपचारमा २० लाखसम्मको विमा हुनुपर्ने पनि उनीहरुले माग गरेका छन् । विभिन्न ७ बुँदे माग पूरा नगरे यातायात सञ्चालन गर्न नसकिने व्यवसायीले बताउदै आएको छन् । ।

हेर्नुहोस् यातायात व्यवसायीको माग