भर्खरै

बस्ती बाहिरबाट विद्युतीय लाइन विस्तार गर्न माग

  • प्रकाशित मिति : शुक्र, भदौ ११, २०७८
  • - रासस
title

राँझा, ११ भदौ  । वैजनाथ गाउँपालिकावासीले कोहलपुर–सुर्खेत १३२ केभी विद्युत् प्रसारण लाइन बस्ती बाहिरबाट विस्तार गर्न माग गरेका छन् । वडा नं ४ को नौवस्ता र वडा नं १ को चिसापानी तथा गाभर बस्ती हुँदै लाइन विस्तारको तयारी भएकाले  विकल्प खोज्न आफूहरुले माग गरेकोे स्थानीय अगुवा पुनित शाहले जानकारी दिए । 
 
उनका अनुसार घर तथा घडेरी माथिबाट प्रसारण लाइन विस्तार गरिए ती  बस्तीका करिब ६० घरपरिवारमा असर पर्नेछ ।
सर्भेक्षणदेखि सार्वजनिक सुनुवाइ  गर्दासम्म पनि बैठकमा आफूहरुलाई जानकारी नगराइएको तर अहिले एकाएक लाइन विस्तार गर्न थालिएको वडा नं १ चिसापानी निवासी वकिलजङ्ग साहको गुनासो थियोे । 
 
उनले यी बस्तीका सर्वसाधारणको नाम र हस्ताक्षर किर्ते गरेर काम  अगाडि बढाइएको आरोप लगाए । जग्गाधनी जनतालाई थाहै नदिएर  लाइन विस्तार गरिएकाले अहिले आक्रोशित पीडितले प्रमुख जिल्ला अधिकारी मार्फत सरोकार निकायमा वैकल्पिक उपाय अपनाउन  ज्ञापन पत्र बुझाएका छन् ।
 
प्रजिअ शिवराम गेलालले यस विषयमा अध्ययन गर्न एक समिति बनाइएको र  सम्बन्धित  निकायमा पनि जानकारी गराइएको बताए । 
 
बाँकेको कोहलपुर सबस्टेशनबाट प्रारम्भ भई सुर्खेतको वीरेन्द्रनगरस्थित सबस्टेशनमा गएर टुङ्गिने प्रसारण लाइन  करिब ५१ किलोमिटर लामो हुने र ‘डबल सर्किटका एङ्गल टावर’ २६ वटा रहने छ । आयोजनाको कूल टावर सङ्ख्या १४५ रहने बताइएको छ । उक्त आयोजनाका लागि करिव रु  एक अर्ब ८० करोड लाग्ने जनाइएको छ । 

प्रतिक्रिया

सम्बन्धित समाचार

सिँचाइका लागि प्रभावकारी बन्दै जलाशय

तुलसीपुर ७ असोज । दाङको ५६ हजार हेक्ट 19 hours ago

सैनामैनामा विद्युत् सब–स्टेसन शिलान्यास

रूपन्देही/सैनामैना– रूपन्देहीको स 1 day ago

राजनीतिको थिति, विकासमा विकृति

काठमाडौं असोज । ‘मेरो सातौ पुस्ता द 1 day ago