नेपालगञ्ज, असोज । नेपालगञ्ज इलेक्ट्रिकल एशोसिएसनको सातौं वार्षिक साधारण सभा तथा चौथौ अधिवेशन कार्यक्रम हुने भएको छ । साधारण सभा तथा अधिवेशन कार्यक्रम यहि असोज ६ गते नेपालगञ्जको सिद्धार्थ कटेज रेष्टुरेन्टमा हुने भएको हो । 

 

बाँके भित्र रहेका विद्युतीय व्यवसायीहरुको हकहितका लागि काम गर्दै आएको एशोसिएसनमा हाल सम्म १ सय ३४ जना भन्दा बढी विद्युतीय व्यवसायीहरु आवद्ध रहेका छन् । विद्युतीय व्यवसायीहरुलाई परेको समस्या, व्यवसायीहरुको आवश्यकता, माग लगायतका विषयमा एशोसिएसनले काम गर्दै आइरहेको एशोसियसनका अध्यक्ष शिवराज रिजालले बताए । एशोसिएसनले व्यावसायिक हितका लागि मात्र नभई सामाजिक कार्यमा पनि सक्रिय भूमिका निर्वाह गर्दै आइरहेको अध्यक्ष रिजालको भनाई छ । 

एशोसिएसनको साधारण सभा तथा अधिवेशन कार्यक्रममा नेपाल विद्युतीय व्यवसायी महासंघका अध्यक्ष सुर्दशन पौड्यालको प्रमुख आथित्य रहने छ । अधिवेशनबाट आउने नयाँ कार्यसमितिहरु सम्भवत सर्वसम्मत नै चयन हुने समेत अध्यक्ष रिजालले बताए ।