दोर्दी-१ जलविद्युत् आयोजनाको काम ९० प्रतिशत सम्पन्न, पुसबाट बिजुली उत्पादन थाल्ने

प्रकाशित मिति : मंगल, कार्तिक ९, २०७८
- विद्युत संसार साप्ताहिक

लमजुङ, कात्तिक । लमजुङको दोर्दी गाउँपालिका-६ ढोडेनीमा निर्माणाधीन १२ मेगावाट क्षमताको दोर्दी-१ जलविद्युत आयोजनाको काम ९० प्रतिशत सम्पन्न भएको छ ।

निर्माणाधिन आयोजनाको काम आगामी तीन महिनामा सम्पन्न गरेर ् आयोजनाबाट व्यावसायिकरूपमा बिजुली उत्पादन थाल्ने तयारी भएको हो ।

आयोजना प्रमुख उज्ज्वल सिलवालका अनुसार “आयोजनाको हालसम्म ९० प्रतिशत निर्माण कार्य सम्पन्न भएको र १० प्रतिशत मात्र काम बाँकी रहेकाले तीन महिनाभित्रै सम्पन्न गर्दै बिजुली उत्पादन हुने बताए । बिजुली उत्पादन गर्ने लक्ष्यअनुरुप काम अघि बढाइरहेकाले अब पुस महिनाभित्रै बिजुली उत्पादन हुने उनले बताए ।

आयोजनामा यतिबेला विद्युतीय उपकरण जडान, पाइप जडान कार्य र वायरिङको काम भइरहेको छ । विद्युत् उपकरण जडानको कार्य ९० प्रतिशत सम्पन्न भएको र अब एक महिनाभित्र काम सम्पन्न हुने आयोजनाले जनाएको छ । आयोजनाको ७०० मिटर पेनस्टक पाइपमध्ये ५० मिटर पाइप जडान हुन बाँकी छ । यस आयोजनाको दुई हजार ५१५ मिटर लामो रहेको सुरुङ ब्रेक थु्र भइसकेको छ । त्यस्तै सिभिल संरचना निर्माणको काम सम्पन्न भएको छ । आयोजनाको बिजुली १३२ केभी कीर्तिपुर सवस्टेशनमा जोडिने छ । बाँधस्थलबाट कीर्तिपुरसम्म साढे तीन किलोमिटर रहेको छ । यहाँ १५ वटा टावर राख्ने काम सम्पन्न भएको र अब तार जोड्ने कार्य मात्र बाँकी रहेको आयोजनाले जनाएको छ ।

आयोजनाबाट यसअघि गत असार महिनादेखि व्यावसायिकरूपमा बिजुली उत्पादन गर्ने आयोजनाको लक्ष्य रहेको थियो तर कोभिड तथा बाढीपहिराले आयोजनामा पुर्‍याएको क्षतिलगायतका कारण देखाउँदै आएको छ ।

गत असारमा आयोजनाको हेडबक्स, पावर हाउसलगायत विभिन्न स्थानमा बाढीपहिराले क्षति पुगेपछि पुनः निर्माण अवधि लम्बिएको आयोजनाले जनाएको छ । रु दुई अर्ब २९ करोडको लगानीमा निर्माण कार्य सक्ने लक्ष्यका साथ विसं २०७४ बाट थालनी गर्दै विसं २०७६ चैत महिनामा सक्ने आयोजनाको लक्ष्य थियो तर निर्माण अवधि कोभिड बाढीपहिरोलगायत विविध कारणले गर्दा लम्बिन पुग्दा लागत बढ्ने आयोजनाले जनाएको छ ।

आयोजनाका अनुसार उक्त रकमभन्दा करिब रु ३० करोड बढी लाग्ने भएको छ । आयोजनामा हाल ७० जना कामदारले काम गरिरहेका छन् । आयोजनाले नेपाल विद्युत् प्राधिकरणसँग वर्षायाममा चार रुपैयाँ ८० पैसा र सुक्खायामका लागि आठ रुपैयाँ ४० पैसामा विद्युत् खरीद सम्झौता (पिपिए) गरेको छ ।

प्रतिक्रिया

सम्बन्धित समाचार

अन्तर्राष्ट्रिय स्तरको १२औँ फिन इलेक्ट्रो–टेक २०२६आयोजना हुने

काठमाडौँ । नेपाल विद्युतीय व्यवसायी महासंघको आयोजनामा आगामी जेठ २२ गतेदेखि २५ गतेसम्म काठमाडौँको भृकुटीमण्डपमा 1 month ago

अन्तर्राष्ट्रिय स्तरको १२औँ फिन इलेक्ट्रो–टेक २०२६आयोजना हुने

8काठमाडौँ । नेपाल विद्युतीय व्यवसायी महासंघको आयोजनामा आगामी जेठ २२ गतेदेखि २५ गतेसम्म काठमाडौँको भृकुटीमण्डपमा 1 month ago

अन्तर्राष्ट्रिय स्तरको १२औँ फिन इलेक्ट्रो–टेक २०२६आयोजना हुने

खानेपानी उपभोक्ता समितिहरुको तीन दिने क्षमता विकास तालिम सुरु

नेपाल सरकार खानेपानी मन्त्रालय अन्तर्गतको राष्ट्रिय खानेपानी तथा सरसफाइ, अनुसन्धान, नवप्रवर्तन तथा क्षमता अभिवृद्धि केन्द्र 3 months ago

हाउस वायरीङ्ग केबलको मूल्यवृद्धि

काठमाडौँ, जेठ । नेपालका तार उत्पादन गर्ने कम्पनीहरुको साझा संस्था निमाद्धरा हाउस वायरीङ्ग केबलको मूल्यवृद्धि 1 year ago

लेख / बिचार

विचारः बलियो बनाऔँ–लोकतान्त्रिक संस्कृति

डा शोभाकर पराजुली काठमाडौँ, २३ माघ । मजबुत
- डा शोभाकर पराजुली/रासस
विचारः वाणिज्य क्षेत्रका समस्या र सरकारको पहल

आनन्द भट्ट काठमाडौँ, १० मङ्सिर । नेपालको वाणिज्य क्षेत्रले
- आनन्द भट्ट-रासस
विचारः सार्वजनिक सेवा प्रशारण संस्थाको सञ्चालनका चुनौती र सुधारको अपेक्षा

सुरेश कुमार कार्की

अधिवक्ता तथा रेडियो नेपालका पूर्व कार्यकारी
- सुरेश कुमार कार्की अधिवक्ता तथा रेडियो नेपालका पूर्व कार्यकारी निर्देशक

विचारः अर्थतन्त्रमा उज्यालोको किरण
- विद्युत संसार संवाददाता

विचारः विपद् र हाम्रो बिग्रिएको बानी
- रासस