काठमाडौं, पुस । नेपाल आयल निगमले पेट्रोलियम पदार्थको मूल्य घटाउने तयारी गरेको छ । भारतले भारतीय आयल निगमले हरेक महिनाको १ तारिख र १५ तारिखमा नयाँ मूलयसुची नेपाललाई पठाउने गर्छ यसपटक पनि यहि डिसेम्बर १५ मा भारतीय निगमले मूल्यसुचि पठाएको छ । भारतीय आयल निगमले घटाएर नयाँ मूल्यसूची पठाएपछि नेपालमा पनि नेपाल आयल निगमले पेट्रोलियम पदार्थको मूल्य घटाउने भएको हो । 

निगमले आज शुक्रबार नयाँ मूल्यसूची सार्वजनिक गर्ने तयारी गरेको निगम स्रोतले जनाएको छ । स्रोतका अनुसार भारतबाट घटेको मूल्यसूची आएकोले आज बैठक बसेर नयाँ मूल्य सूची तोक्ने भन्ने छलफल गरी के मा कति घटाउने भन्ने शुक्रबार नै टुंगो लाग्ने जनाएको छ ।  

अन्तराष्ट्रिय बजारमा पेट्रोलियम पदार्थको मूल्य घटेपछि भारतले पनि घटेको मूल्य सूची पठाएको हो ।

 

भारतीय आयल निगमले यस अघि डिसेम्बर १ मा पनि मूल्य घटाएर पठाएपनि नेपाल आयल निगमले भने आफ्नो उच्च घाटालाई देखाउँदै मूल्य घटाउन मानेन । नेपाल आयल निगमले पछिल्लो पटक  २०७८ । ०७। २४ को राति १२ः०० वजेदेखि लागू हुनेगरी पेट्रोल र डिजेल÷मट्टितेलको साविकको विकि मूल्यमा रू. ३।०० ले वृद्धि गरी काठमाडौंको लागि नयाँ खुद्रा विक्रि मूल्य प्रति लिटर क्रमशः रू. १३६ । ०० र रू. ११९।०० तथा आन्तरिक एवं बाह्य हवाई ईन्धनमा रू. ५।०० ले वृद्धि गरी आन्तरिक हवाई इन्धनको मूल्य प्रति लिटर रू. १०१।०० तथा अन्तर्राष्ट्रिय हवाई इन्धनको मूल्य अमेरिकी डलर ८९५।०० प्रति किलो लिटर र एल.पी.ग्यासमा रू. ७५।०० ले वृद्धि गरी काठमाडौंको लागि नयाँ खुद्रा विक्री मूल्य रू. १,५७५ । ०० प्रति सिलिण्डर कायम गरेको थियो ।  त्यसपछि पेट्रोलियम पदार्थको मूल्य समायोजन भएको छैन ।