महँगोमै विजुली आयात गछौ तर लोडशेडिङ हुन दिन्नौँ : निर्देशक घिसिङ

प्रकाशित मिति : बिही, चैत १०, २०७८
- विद्युत संसार संवाददाता

काठमाण्डौ १० चैत । नेपाल विद्युत प्राधिकरणका प्रबन्ध निर्देशक कुलमान घिसिङले महँगोमै भएपनि विजुली आयात गरेर लोडशेडिङ हुन नदिने बताएका छन् ।

प्राधिकरणका कार्यकारी निर्देशक कुलमान घिसिङले भारतमा एकाएक कोइलाको भाउ बढ्दा नेपालमा पनि समस्या परेको तर यसको समाधान गर्ने बताए । बिहीबार पत्रकार सम्मेलन गर्दै घिसिङले अहिले देखिएको समस्या आकस्मिक भएको र एक साताभित्र समाधान हुने विश्वस दिलाए । भारतबाट महंगोमा बिजुली आयात गरेर भएपनि आज राति १२ देखि अवस्था सामान्य हुने उनको भनाइ छ ।

भारतले कोइलाबाट उत्पादन भएको बिजुली मात्रै नेपालमा निर्यात गर्ने नीति बनाएको छ, अहिले रुस–युक्रेन युद्धका कारण भारतमा कोइलाको भाउ बढ्दा नेपालले बिजुली महँगोमा किन्नुपरेको कार्यकारी निर्देशक कुलमान घिसिङले जानकारी दिए । यसअघि भारतबाट अधिकतम औसत तीन भारुमा बिजुली किन्दै आएकोमा अहिले आकस्मिक समस्या आएकोले प्रतियुनिट ३८ रुपैयाँमा सम्म तिरेर खरिद गर्नुपर्ने बाध्यता रहेको उनको भनाई थियो ।

‘अहिले एक÷डेढ महिना केही सर्टेज भएको हो । आजदेखि राति १२ देखि कुनै पनि उद्योगलाई लोडसेडिङ हुँदैन । हामीले भारतबाट प्रतियुनिट २० भारुमा ल्याएका छौं । सधै २० रुपैयाँ नै तिर्नुपर्दैन । फरक समयमा फरक मूल्य हुन्छ,’ घिसिङले भने ।