औद्योगिकग्राम निर्माण गर्न आग्रह

प्रकाशित मिति : मंगल, जेठ १०, २०७९
- रासस

काठमाडौँ, १० जेठ । नेपाल चेम्बर अफ कमर्शले नेपालमा औद्योगिकग्राम स्थापना गर्न मलेसियासँग आग्रह गरेको छ । चेम्बरका प्रतिनिधिले सोमबार चेम्बर भवन जमलमा नेपालका लागि मलेसियाका चार्ज डी अफेयर्स मोद फजले विन अवु हसनसँगको भेटमा पर्यटन, सूचना प्रविधि तथा उत्पादनमा एकीकृत लगानीको अवधारणा अन्तर्गत औद्योगिकग्राम निर्माणका लागि मलेसियालाई आग्रह गरेका हुन् ।

भेटमा चेम्बरका अध्यक्ष राजेन्द्र मल्लले नेपाल र मेलेसियाबीच लगानी सम्बन्धमा सरकारी तवरमै उच्चस्तरीय सहकार्य हुनुपर्नेमा जोडदिए । नेपालमा मलेसियाको लगानी सुनिश्चितताका लागि आफूहरूले पहल गर्ने उनको भनाइ थियो ।

“नेपाल र मलेसियाबीच श्रमको क्षेत्रमा उच्चस्तरीय सहकार्य हुँदै आएको छ, नेपालमा विप्रेषण भित्र्याउने दृष्टिकोणले पनि मलेसिया नेपालको उत्कृष्ट गन्तव्य बनेको छ, श्रम सहकार्यसँगै अन्य विभिन्न क्षेत्रमा लगानीका लागि हामी मलेसिया सरकारलाई आग्रह गर्दछौँ”, उनले भने । सो अवसरमा अध्यक्ष मल्लले नेपालमा खासगरी पर्यटन, जलविद्युत्, सूचना प्रविधि, हस्तकलामा लगानी गर्न आग्रहसमेत गरे ।

मलेसियाका चार्ज डी अफेयर्स हसनले लगानीका लागि आफूहरू तयार रहे पनि प्रतिफलको सुनिश्चिततासम्बन्धी कानुन स्पष्ट हुन नसकेको बताए । “मलेसियाले सूचना प्रविधिको क्षेत्रमा पछिल्लो समय दक्षिण एसियाली राष्ट्रमा लगानी बढाइरहेको छ, हामीलाई नेपालमा पनि लगानी गर्न कुनै समस्या छैन । तर प्रतिफलसम्बन्धी नीतिगत व्यवस्थामा स्पष्ट हुनसकेका छैनौँ”, उनले भने ।

जलविद्युत्, पर्यटनलगायतका क्षेत्रमा नेपालमा लगानी गर्न मलेसिया तयार रहेको उनको भनाइ थियो ।

प्रतिक्रिया

सम्बन्धित समाचार

अन्तर्राष्ट्रिय स्तरको १२औँ फिन इलेक्ट्रो–टेक २०२६आयोजना हुने

काठमाडौँ । नेपाल विद्युतीय व्यवसायी महासंघको आयोजनामा आगामी जेठ २२ गतेदेखि २५ गतेसम्म काठमाडौँको भृकुटीमण्डपमा 2 weeks ago

अन्तर्राष्ट्रिय स्तरको १२औँ फिन इलेक्ट्रो–टेक २०२६आयोजना हुने

8काठमाडौँ । नेपाल विद्युतीय व्यवसायी महासंघको आयोजनामा आगामी जेठ २२ गतेदेखि २५ गतेसम्म काठमाडौँको भृकुटीमण्डपमा 2 weeks ago

अन्तर्राष्ट्रिय स्तरको १२औँ फिन इलेक्ट्रो–टेक २०२६आयोजना हुने

खानेपानी उपभोक्ता समितिहरुको तीन दिने क्षमता विकास तालिम सुरु

नेपाल सरकार खानेपानी मन्त्रालय अन्तर्गतको राष्ट्रिय खानेपानी तथा सरसफाइ, अनुसन्धान, नवप्रवर्तन तथा क्षमता अभिवृद्धि केन्द्र 1 month ago

हाउस वायरीङ्ग केबलको मूल्यवृद्धि

काठमाडौँ, जेठ । नेपालका तार उत्पादन गर्ने कम्पनीहरुको साझा संस्था निमाद्धरा हाउस वायरीङ्ग केबलको मूल्यवृद्धि 1 year ago

लेख / बिचार

विचारः बलियो बनाऔँ–लोकतान्त्रिक संस्कृति

डा शोभाकर पराजुली काठमाडौँ, २३ माघ । मजबुत
- डा शोभाकर पराजुली/रासस
विचारः वाणिज्य क्षेत्रका समस्या र सरकारको पहल

आनन्द भट्ट काठमाडौँ, १० मङ्सिर । नेपालको वाणिज्य क्षेत्रले
- आनन्द भट्ट-रासस
विचारः सार्वजनिक सेवा प्रशारण संस्थाको सञ्चालनका चुनौती र सुधारको अपेक्षा

सुरेश कुमार कार्की

अधिवक्ता तथा रेडियो नेपालका पूर्व कार्यकारी
- सुरेश कुमार कार्की अधिवक्ता तथा रेडियो नेपालका पूर्व कार्यकारी निर्देशक

विचारः अर्थतन्त्रमा उज्यालोको किरण
- विद्युत संसार संवाददाता

विचारः विपद् र हाम्रो बिग्रिएको बानी
- रासस