मोरङ्ग १९ भदौ । मोरङ्ग इलेक्ट्रिक संघको तेर्हौ वार्षिक साधारण सभा सम्पन्न भएको छ । 

 

विद्युतीय व्यवसायीहरूको संस्था मोरङ्ग इलेक्ट्रिक संघले हिजो शनिवार विराटनगरको सप्तकोसी पार्टी प्यालेसमा आफ्नो तेह्रौं वार्षिक साधारण सभा समापन गरेको संघका प्रथम उपाध्यक्ष राजेश अग्रवालले बताउनु भयो । 

 

सभाका प्रमुख अतिथि नेपाल विद्युतीय व्यवसायी महासङ्घका अध्यक्ष सुदर्शन प्रसाद पौड्यालले आफ्नो भनाई राख्दै मोरङ्ग व्यापार संघ र विराट व्यापार संघबाट इलेक्ट्रिक संघ सक्रिय वस्तुगत संघ रहेको र आगामी दिनमा अझै बढि सदस्यहरुको हक हितको निम्ति काम गर्ने बताउनु भयो । अध्यक्ष पोड्यालले जिल्ला संघहरू बलियो भए मात्र महासंघ बलियो हुने हुँदा सबै जिल्लाहरु सक्सक्त रूपमा आगाडी बढ्न पर्ने, निमायित साधारण सभा सम्पन्न गर्नु पर्ने भनाई राख्नु भएको थियो ।

 

 

महासंघका अन्य प्रतिनिधिहरुले मोरङ्ग इलेक्ट्रिक संघ एक सक्रिय संघ रहेको र आगामी दिनमा अझ सक्रिय हुन शुभकामना दिदै आफ्नो भनाई राखेका थिए । 

 

उक्त सभामा अतिथिको रूपमा मोरङ्ग व्यापार संघ का वरिष्ठ उपाध्यक्ष अनुपम राठी, विराट व्यापार संघका अध्यक्ष नरेश खत्री, महासङ्घका सल्लाहकार, पदाधिकारी, सदस्यहरूको साथै विभिन्न जिल्ला नगर संघका अध्यक्ष तथा प्रतिनिधिहरूको उत्साहजनक सहभागिता रहेको थियो। 

 

साधारण सभाको अवसरमा कर तथा लेखा प्रशिक्षण कार्यक्रम आयोजना गरिएको थियो । साना तथा मझौला व्यवसायीहरूलाई लक्षित गरी सिए विजय रौनियारले प्रशिक्षण दिनु भएको थियो । 

 

 

साधारण सभामा उर्लाबारी, बेलबारी तथा विराटनगरका सदस्यहरूको उल्लेखनीय उपस्थिति रहेको अग्रवालले बताउनु भयो ।

सभा संघका अध्यक्ष शंकर प्रसाद पोखरेलको अध्यक्ष्यतामा भएको थियो भने कार्यक्रमको सञ्चालन महासचिव विजय जायसवालले गर्नु भएको थियो ।