पायोनियर केबुलको डिपो बिजुली बजार भवनबाट पुनःसञ्चालन

प्रकाशित मिति : सोम, असोज १०, २०७९
- विद्युत संसार

काठमाडौं, असोज । विगत लामो समयदेखि नेपाली बजारमा आफ्नो प्रोडक्ट नेपाली उपभोक्ताहरुको मन जित्न सफल पायोनियर केबुलले काठमाडौंको सुनधारा स्थित विजुली बजारको भवनबाट डिपो पुनः सञ्चालनमा ल्याएको छ ।

विगत केही बर्षदेखि प्राविधिक र व्यवस्थापनको कारणले हटाईएको डिपोलाई पुन सञ्चालनमा ल्याएको हो । नेपालमा विद्युतीय क्षेत्रमा आत्मनिर्भर रहने केबुल मध्ये प्रतिष्ठित ब्राण्ड पायोनियर केबुल एक हो । यस केबुल कम्पनीले घटस्थापनाको अवसर पारेर ग्राहकहरुको सेवालाई ध्यानमा राखी डिपो सञ्चालनमा ल्याएको हो ।

पायोनियर इलेक्ट्रो केबुल्सका म्यानेजर राजीव मल्लले विगत केही वर्ष पहिले बिजुली बजारबाट सेवा प्रदान गर्दै आएकोमा प्राविधिक कारणवस सञ्चालनमा ल्याउन नसकेकोमा हाल उक्त डिपोलाई पुनः सञ्चालनमा ल्याएको बताउनुभयो ।

पायोनियर केबुलले अत्याधुनिक प्रविधिमैत्री हाउसवायरिङ्ग तार, पावर केबुल,एफ.आर.एल.एस लगायतका विद्युतीय सामग्रीहरु उत्पादन गरी नेपाली बजारमा बिक्रि वितरण गर्दै आइरहेको छ ।

पायोनियर केबलले तार को गुणस्तर मापदण्ड अनुसार छ कि छैन भनेर उपभोक्ताले सीधै ल्याबमा ल्याएर तार को परीक्षण गर्न सकोस भन्ने उदेश्यले ल्याब समेत संचालनमा आएको बताउनु भयो । उहाँले भन्नुभयो, समय सापेक्ष प्राविधिकहरुको लागि पनि समग्र हितको उदेश्यले केहि महिना देखि मोवाईल एप सार्वजानीक भईसकेको जानाकारी समेत दिनु भयो । यो क्यूआर कोड मार्फत कुपनको रकम आफ्नो खातामा जम्मा भएको रकम एसएमएस मार्फत जानकारी पाउने प्रविधि समेत संचालनमा आईसकेको म्यानेजर मल्लले विद्युत संसार सँगको कुराकानीमा बताए ।