यहि वर्ष जलविद्युत् उत्पादन क्षमता तीन हजार मेगावाट पुग्छ : निर्देशक घिसिङ

प्रकाशित मिति : बुध, मंसिर ७, २०७९
- विद्युत संसार संवाददाता

काठमाडौं ७ मंसिर । नेपाल विद्युत् प्राधिकरणका कार्यकारी निर्देशक कुलमान घिसिङले चालु आर्थिक वर्षभित्र नेपालको जलविद्युत् उत्पादन क्षमता करिब तीन हजार मेगावाट पुग्ने बताउनुभएको छ । बुधबार राष्ट्रिय कर दिवसका अवसरमा उत्कृष्ट करदाता सम्मान कार्यक्रममा बोल्दै घिसिङले १५ वर्ष पूरा भएका जलविद्युत आयोजनाहरु सम्पन्न हुन लागेकाले चालु आर्थिक वर्षभित्र नेपालको जलविद्युत उत्पादन क्षमता ३ हजार मेगावाट पुग्ने बताउनु भएको हो ।

तीन हजार मेगावाट विद्युत उत्पादन हुने हो भने जलविद्युत् क्षेत्रबाट करिब ५० अर्ब रोयल्टी र ५० अर्ब कर सरकारले पाउने उनले बताउनुभयो । हाल प्राधिकरण मातहतका जलविद्युत् आयोजनाहरूले मात्र एक अर्ब ७० करोड रोयल्टी सरकारलाई तिरिरहेको उहाँको भनाई थियो ।

’पहिला हामी यो बेलामा १० देखि ११ अर्बकै बिजुली आयात गथ्र्यौं भने अहिले निर्यात गरिरहेका छौं । विद्युत निर्यातले मुलुकको भुक्तानी सन्तुलनमा सहयोग पु¥याएको छ ।’ उहाँले भन्नुभयो ‘हाल नेपालले ११ अर्बभन्दा बढीको बिजुली भारत निर्यात गरिरहेको छ ।’

प्रमुख कार्यकारी निर्देशक घिसिङले जलविद्युत आयोजनाहरुको प्रवद्र्धन गर्नसके राजश्वमा ठूलो योगदान पुग्ने भनाईराख्दै उहाँले ३ वर्षभित्र ५ हजार मेगावाट उत्पादन क्षमता बन्ने बताउनु भयो । उहाँको जलविद्युत मुलुकको समृद्धिको लागि महत्वपूर्ण रहेको भनाई थियो ।