काठमाडौं २५ माघ । नेपाल विद्युतीय व्यवसायी महासंघको नयाँ कार्यसमिति  चयन गर्ने तयारी रहेको छ । यहि माघ २८ गते शनिबार काठमाडौंमा हुन गइरहेको १३ वार्षिक साधारण सभा एवमं ५ औं महाधिवेशले नयाँ कार्यसमिति पाउँदैछ । 

 

महासंघले मंगलबार प्रकाशित गरेको उम्मेदवारहरुको नामावली अनुसार प्रथम उपाध्यक्षमा दिलीप कुमार अग्रवाल र प्रेम बहादुर जिसीको उम्मेदवारी परेको छ । एशोसिएट तर्फ द्धितिय उपाध्यक्षमा कोमल पोखरेल र कविन्द्र रत्न कंसाकारको उम्मेदवारी परेको छ ।  कोषाध्यक्षमा शंकर देवकोटा र प्रकाशचन्द्र पाण्डेयको उम्मेदवारी परेको छ भने सह–कोषाध्यक्षमा शशिधर जैशी लामिछाने, महेन्द्र कुमार श्रेष्ठ र नारायण बाबु बस्नेतको उम्मेदवारी परेको महासंघले निकालेको सूचना पत्रमा उल्लेख छ । 

 

एशोसिएट सदस्य तर्फ पुरुषोत्तम अधिकारी, शुभम् अग्रवाल र बालकृष्ण अग्रवाल गरी तीन जनाको उम्मेद्वारी परेको छ । तीन उम्मेदवार मध्ये दुई जना मात्र कार्यसमिति सदस्यमा चयन हुनेछन् ।  

महासंघको अध्यक्षमा वर्तमान प्रथम उपाध्यक्ष रेशम प्रसाद देवकोटाको एकल उम्मेदवारी परेको छ ।  तृतिय उपाध्यक्षमा लेखनाथ सापकोटा, महासचिवमा गोपाल अग्रवाल, सचिवमा विनोद लुईटेलको एकल उम्मेदवारी परेको छ । त्यस्तै कार्यसमिति सदस्यहरुमा पुरुषोत्तम भुसाल, शंकर पौडेल, चन्द्रकान्त जोशी, मुक्तिनाथ सापकोटा, राजेश गौतम, केशव देवकोटा, शिवराज रिजाल, पोस्टमान श्रेष्ठको उम्मेदवारी परेको छ ।

 

यस्तै प्रदेश कार्यसमिति सदस्यहरुमा प्रदेश १ बाट नवीन कुमार अग्रवाल र चन्द्रमणी देवकोटा गरी दुई जनाको उम्मेद्वारी परेको छ  । उनिहरु मध्ये एक जना चयन हुनेछन् । मधेश प्रदेशबाट मनोज कुमार अग्रवाल, बागमती प्रदेशबाट सरोज कुमार रेग्मी, गण्डकी प्रदेशबाट राजु भण्डारी, लुम्बिनी प्रदेशबाट लोकनाथ पोखरेल र सुदुरपश्चिम प्रदेशबाट विष्णुराज भट्ठको उम्मेदवारी परेको महासंघले प्रकाशित गरेको सूचनामा उल्लेख छ ।