इलेक्ट्रिसियन संघद्धारा जेष्ठ नागरीकलाई फलफुल वितरण

प्रकाशित मिति : Fri-20-Jan-2073
- Admin

बैशाख , हेटौडा । १३०औ अन्तराष्ट्रिय मजदुर दिवसको अवसरमा हेटौडा इलेक्ट्रिसियन संघ मकवानपुरले जेष्ठ नागरीकहरुलाई फलफूल तथा खाद्यान्न बितरन कार्यक्रम गरेको छ । संघले हेटौडा १५ रातोमाटेमा अवस्थित दिब्य ज्योती निकेतन जेष्ठ नागरीक आश्रय स्थललाई बुधबार फलफूल तथा खाद्यान्न बितरन गरेको हो ।

संघका अध्यक्ष देबु प्रसाद चौलागाईका अनुसार मजदुर दिवसको अवसरमा आश्रय स्थललाइ सहयोग गर्नु उपयुक्त भएकाले आफ्नो इलेक्ट्रिसियन संघमार्फत सहयोग गरेकोे बताए ।

संघले करीव ११ हजार बराबरको फलफुल तथा खाद्यय सामाग्री वितरण गरीको संघ अध्यक्ष चौलागाईले बताए ।

आश्रय स्थलका केन्द्रीय अध्यक्ष तेजराम निरौलाले संघले गरेको सहयोग प्रति धन्यावाद व्यक्त गरेका थिए । संघका सदस्य नयन लिम्बु ,राजन थपलियाले आश्रय स्थललाई व्यक्तिगत सहयोग सोत गरेका थिए । आश्रय स्थलमा २३ जना वृद्ध, वृद्धाहरु रहेका थिए ।